16 hross í 1.verðlaun á Hellu

Miðsumarssýningu lauk á Hellu í gær með yfirlitssýningu. Eins og þekkt er var ákveðið að hætta dómum eftir að upp komst um Covid-19 smit er tengdust kynbótasýningu sem fram fór í síðustu viku en margir hestamenn hafa síðustu daga greinst með veiruna í kjölfar sýningarinnar. RML hefur gefið það út að fundin verði lausn fyrir eigendur þeirra hrossa sem ekki tókst að sýna sökum þess. Alls voru 40 hross sýnd í fullnaðardómi

Hæst dæmda hross sýningarinnar er Ketill frá Hvolsvellli sex vetra gamall stóðhestur undan Álfarni frá Syðri-Gegnishólum og Vordísi frá Hvolsvelli. Ræktendur eru Ásmundur Þór Þórisson og Helga Friðgeirsdóttir en eigandi er Birgit Peine. Ketill hlaut bæði 8,39 fyrir sköpulag og hæfileika. Sýnandi hans var Ásmundur Ernir Snorrason Jafn Katli en aukastöfum lægri var Páfi frá Kjarri sem var einnig sýndur af Ásmundi Erni. Hann hlaut 8,36 fyrir sköpulag, 8,40 fyrir hæfileika og 8,39 í aðaleinkunn.

Hross sem hlutu 9,5-10 fyrir einstaka eiginleika

• Orka frá Mið-Fossum hlaut 9,5 fyrir skeið sýnd af Aðalheiði Önnu.
• Stormfaxi frá Álfhólum hlaut 10,0 fyrir prúðleika sýnandi hans var Hrefna María Ómarsdóttir.