Gæðingamót Sörla og fljúgandi skeið

Gæðingamót hestamannafélagsins Sörla og úrtaka fyrir Landsmót fer fram á Sörlavöllum dagana 29. maí – 2. júní á Hraunhamarsvellinum við Sörlastaði.

Boðið verður upp á tvær umferðir í úrtökunni en fyrri umferðin fór fram i gær og sú seinni á morgun.

Á laugardaginn, 1. júní, verður haldið 100 m. skeið sem er öllum opið en að sögn mótshaldara er skeiðbrautin í toppstandi eins og sjá má á því að besti tími ársins hingað til er settur þar af Ingibergi Árnasyni og Sólveigu frá Kirkjubæ, 7,30 sekúndur. Skráning fer fram á sportfeng og líkur henni á föstudagskvöld.

Að lokinni fyrri umferð er það helst að frétta að Goði frá Bjarnarhöfn er efstur í A-flokki með 8,66 sýndur af Daníel Jónssyni. Efst í B-flokki er Friðdís frá Jórvík sýnd af Adolfi Snæbirnssyni með 8,54 í einkunn.

Una Björt Valgarðsdóttir er með tvö efstu hross i barnaflokki, Fanndís Helgadóttir og Ötull frá Narfastöðum leiða unglingaflokk með 8,60 í einkunn og i B-flokki ungmenna er það Sigurður Dagur Eyjólfsson og Flugar frá Morastöðum sem efstir eru með 8,47 í einkunn.

Niðurstöður úr fyrri umferð má sjá hér fyrir neðan.