Siggi Sig og Tígull áttu góða sýningu í B-flokki

Forkeppni í B-flokki gæðinga er nú lokið á Norðurlandamótinu. Alls voru keppendur í þeirri grein 14 talsins og margar góðar sýningar sáust.

Fulltrúi Íslands í B-flokki var Tígull frá Kleiva og Sigurður Sigurðarson. Tígull er hátt dæmdur stóðhestur sem náð hefur náð góðum keppnisárangri, hann er undan Hrynjanda frá Hrepphólum og Von fra Verket. Þeir áttu góða sýningu og uppskáru 8,646 í einkunn og annað til þriðja sætið ásamt Svani frá Kringeland og Ingólfi Pálmasyni sem keppa fyrir hönd Noregs.

Í efsta sætinu er Gná frá Kílhrauni ásamt knapa sínum Jeanette Holst Gohn með einkunnina 8,676 en þær keppa fyrir hönd Danmerkur.

A-úrslit í B-flokki fara fram á laugardaginn.

Niðurstöður frá Forkeppni í B-flokki