Ásmundur og Hlökk efst á stöðulista í tölti og slaktaumatölti

Alþjóðlegum íþróttamótum (WR) lauk í október á þessu ári og því orðið ljóst hvaða knapar náðu bestum árangri í ár í mismunandi greinum íþróttakeppninnar.  Á heimasíðu FEIF er aðgengilegur stöðulisti ársins sem byggir á WR mótum og er þá meðaltal tveggja hæstu einkunna knapa og hests lagðar saman í eina einkunn.

Ásmundur Ernir Snorrason og Hlökk frá Strandarhöfði unnu það magnaða afrek í ár að vera efst bæði á stöðulista ársins í tölti (T1) og slaktaumatölti (T2).

Þegar tölt (T1) er skoðað er Ásmundur Ernir Snorrason  á Hlökk frá Strandarhöfði með 8,88 í einkunn, annar á listanum er Árni Björn Pálsson og Kastanía frá Kvistum með 8,85 og í því þriðja er Jakob Svavar Sigurðsson á Skarpi frá Kýrholti með 8,785.

Í slaktaumatölti eru Ásmundur Ernir og Hlökk efst með 8,90, önnur á listanum er Jolly Schrenk á Glæsi von Gut Wertheim með 8,55 og í þriðja sætinu er Daniel C. Schulz á Spuna vom Heesberg með 8,48 í einkunn.

Lista yfir 20 efstu pör ársins í tölti og slaktaumatölti má skoða hér fyrir neðan.

T1 – 20 efstu

T2 – 20 efstu