Vel heppnuð folaldasýning í Svarfaðardal

Folaldasýning Hrossaræktarfélags Svarfaðardals og nágrennis fór fram sunnudaginn 18. janúar og tókst afar vel. Alls tóku 35 folöld þátt í sýningunni og vöru margir fallegir gripir þeirra á meðal, það var Eyþór Einarsson sem sá um dómgæslu.

Athygli vakti að þrjú af sex efstu folöldunum voru undan Seðli frá Árbæ, en hann var í leigu hjá félaginu sumarið 2024.

Úrslit – hestar

1. Klaki frá Krossum
   F: Seðill frá Árbæ
   M: Aldís frá Krossum
   Eigendur: Snorri Snorrason og Haukur Snorrason

2. Blakkur frá Jarðbrú
   F: Seðill frá Árbæ
   M: Tara frá Jarðbrú
   Eigendur: Elín S. Sveinbergsdóttir og Þorsteinn Hólm Stefánsson

3. Skrýmir frá Brekku
   F: Náttfari frá Varmalæk
   M: Svarta Meyjan frá Hryggstekk
   Eigandi: Guðröður Ágústsson

Úrslit – hryssur

1. List frá Grund
   F: Hringur frá Gunnarsstöðum
   M: Korka frá Litlu-Brekku
   Eigandi: Anna Kristín Friðriksdóttir

2. Hemra frá Brekku
   F: Náttfari frá Varmalæk
   M: Herma frá Hryggstekk
   Eigandi: Guðröður Ágústsson

3. Gletta frá Grund
   F: Seðill frá Árbæ
   M: Gjöf frá Grund
   Eigandi: Friðrik Þórarinsson

Á meðfylgjandi mynd má sjá Klaka frá Krossum, sem sigraði hestaflokkinn.

Úr verðlaunaafhendingu

Hestar: Snorri Snorrason, Elín S. Sveinbergsdóttir og Guðröður Ágústsson. Með þeim stendur Valur Höskuldsson.

Hryssur: Rakel Sara Atladóttir (fyrir Önnu Kristínu), Guðröður Ágústsson og Friðrik Þórarinsson. Á myndinni eru einnig Magnús Þór Atlason og Freydís Dana Sigurðardóttir.

Hrossaræktarfélag Svarfaðardals og nágrennis rekur Facebook-síðu undir sama nafni. Félagið var stofnað árið 1980 og er eitt elsta hrossaræktarfélag landsins sem enn er starfrækt.