Síðasta kynbótasýning ársins í Svíþjóð fór fram um helgina

Tvær kynbótasýningar fóru fram utan landsteinanna núna um helgina, önnur þeirra fór fram í Herning í Danmörku og hin í Axevalla í Svíþjóð. Einungis ein kynbótasýning er því eftir í evrópu en í næstu viku fer fram sýning í Þýskalandi á Isernhagen þar sem 46 hross eru skráð til dóms.

Í Axevalla komu 95 hross til dóms og þar af 12 eingöngu til sköpulagsdóms. Af þessum 83 hrossum hlutu 14 þeirra yfir 8,00 í aðaleinkunn.

Hæst dæmdi stóðhestur sýningarinnar er Hervar frá Hamarsey sem er 11.vetra gamall. Sýnandi hans var Eyjólfur Þorsteinsson en eigandi er Helen Sandberg og ræktandi er Per S. Thrane.  Hervar er undan Aroni frá Strandarhöfða og Hrund frá Árbæ. Hervar er þriðja afkvæmi Hrundar sem hlýtur yfir 8,50 í aðaleinkunn. Hervar hlaut fyrir sköpulag 8,43, fyrir hæfileika 8,60 og  í aðaleinkunn 8,54. Hann hlaut m.a. 9,0 fyrir bak og lend, samræmi., hófa, tölt, samstarfsvilja, fegurð í reið, fet og hægt tölt.

Hæst dæmda hryssa sýningarinnar var Lára frá Stóra-Kroppi sem er 9.vetra gömul undan Auði frá Lundum II og Lukku frá Fosshofi. Sýnandi hennar var Erlingur Erlingsson en eigandi er Levansvik Hast jakt och fritid ræktendur eru Kristín Hjörleifsdóttir og Nina Keskitalo. Lára hlaut fyrir sköpulag 7,89, fyrir hæfileika 8,31 og í aðaleinkunn 8,16. Þá. sýndi Erlingur einnig Álf fran Granmyra sem hlaut 9,5 fyrir hægt tölt.

Öll hross á sýningunni