Fjölmargir stóðhestar að skila myndarlegum afkvæmum

Þegar öllum kynbótasýningum er lokið er hægt, með hjálp Worldfengs, að setjast niður og reikna út hin ýmsu meðaltöl hrossaræktendum til gagns og fróðleiks.

Við ætlum að hefja yfirrreið okkar á því að skoða þá stóðhesta sem áttu 4-9 sýnd afkvæmi á árinu í fullnaðardómi og rýna í meðaltöl þeirra eiginleika sem dæmdir eru í sköpulagi ásamt meðaltalseinkunn sköpulags afkvæma þeirra, en hestunum er raðað eftir þeirri einkunn.

Síðar meir munum við taka fyrir, hér á vefsíðu Eiðfaxa, þá stóðhesta sem eiga 10 eða fleiri afkvæmi og þá einnig skoða báða þessa hópa með tilliti til hæfileika.

Undan Stjörnustæl frá Dalvík komu 7 afkvæmi til dóms og er meðaltal sköpulags einkunnar þeirra hæst í þessu úrtaki. Þá hlutu þau að meðaltali 8,71 fyrir samræmi sem er hæsta meðaltal þeirra stóðhesta er hér um ræðir.

Þegar rýnt er í meðaltalseinkunnir afkvæma þessarra stóðhesta má sjá að þeir Skaginn frá Skipaskaga og Draupnir frá Stuðlum eiga yngstu afkvæmin sem komu til dóms á árinu en meðaltals aldur þeirra eru 4,5 ár. Undan Skaganum komu 8 afkvæmi til dóms og undan Draupni 4.

Skaginn frá Skipaskaga á þau afkvæmi sem hæsta einkunn hlutu að meðaltali fyrir höfuð og háls, herðar og bóga. Meðaltal einkunnar  afkvæma hans fyrir höfuð var 8,50 og meðaltal einkunnar fyrir háls,herðar og bóga var 8,75.

Af þeim stóðhestum sem eiga 4-9 afkvæmi fullnaðardæmd á árinu að þá er Erill frá Einhamri 2 með hæstu meðaltalseinkunn á baki og lend en hún er 8,75 og á hann 4 fullnaðardæmd afkvæmi á árinu.

Þeir Sólon frá Skáney, Huginn frá Haga og Klakinn frá Skagaströnd eru jafnir hvað eiginleikann fótagerð varðar með 8,50 í meðaltalseinkunn afkvæma. Allir áttu þeir 4 dæmd afkvæmi á árinu í fullnaðardómi.

Afkvæmi Sólons voru einnig hæst fyrir réttleika sem og prúðleika. Meðaltalseinkunn réttlega var 8,25 og prúðleika 8,88

Þeir Þórálfur frá Prestsbæ og Uggi frá Bergi voru báðir með 5 sýnd afkvæmi í fullnaðardómi og var meðaltals einkunn fyrir hófa 8,50 sem er það hæsta í þessum eiginleika.

Hér fyrir neðan má sjá meðaltals einkunnir afkvæma þessarra stóðhesta í öllum eiginleikum dæmdum í sköpulagi.

Ef þú ert að skoða töfluna í síma er hægt að færa sig fram og til baka á töflunni til þess að sjá alla eiginleika.