Agnar Snorri kynbótaknapi ársins í Danmörku

Agnar Snorri Stefánsson var um síðustu helgi útnefndur kynbótaknapi ársins í Danmörku. Agnar er enginn nýgræðingur þegar kemur að sýningum kynbótahrossa því hann hefur sýnt um 828 sýningar í fullnaðardómi.

Reglur um kynbótaknapa ársins í Danmörku eru á þá leið að til að hljóta tilnefningu þarf knapi að minnsta kosti að hafa sýnt 20 hross í fullnaðardómi og svo er reiknað meðaltal af 5 hæst dæmdu hrossunum. Þá er einnig tekið tillit til meðalaldurs sýndra hrossa og að auki þarf knapinn að sýna háttvísi og kurteisi og vera fyrirmynd annara knapa í framkomu.

Agnar sýndi í ár 59 hross og þar af 47 í fullnaðardómi. Hrossin sýndi hann í Danmörku, Svíþjóð, Hollandi og Þýskalandi. Sá hestur sem hæstan dóm hlaut hjá Agnari í ár var Kolgrímur Grímsson från Gunvarbyn sem stóð m.a. efstur í elsta flokki stóðhesta á Heimsmeistaramótinu í Hollandi.

Þau 5 hross sem hæsta aðaleinkunn fengu sýnd af Agnari miðað við hæsta dóm.