Austurríska landsliðið er klárt fyrir HM

Um helgina fór fram Austurríska meistaramótið og var nýtt tækifærið og austurríski hópurinn kynntur fyrir heimsmeistaramótið.

Einn ríkjandi heimsmeistari er í liðinu en það er Helga Hochstöger á Nóra von Oed en þau urðu heimsmeistarar í 100 m. skeiði. Á Austurríska meistaramótinu um helgina unnu þau 250 m. skeiðið með tímann 22,31 sek., 100 metra skeiðið á tímanum 7,29 sek. og gæðingaskeiðið með 8,29 í einkunn. Anna-Lisa Zingsheim og Glaður frá Kálfhóli 2 urðu austurrískir meistarar í tölti (eink. 8,89), samanlögðum fjórgangsgreinum og í fjórgangi með einkunnina 7,83. Gerrit Sager og Draumur frá Feti unnu slaktaumatöltið með 8,13 í einkunn og fimmganginn vann Pierre Sandsten-Hoyos á Goðasteini frá Haukagili Hvítársíðu með 7,95 í einkunn.

Hér fyrir neðan er hópurinn sem verður sendur á heimsmeistaramótið en hann telur átta fullorðna og fimm ungmenni.

Fullorðnir:

• Helga Hochstöger (heimsmeistari í 100 m. skeiði 2023)
• Anna Sager
• Anna-Lisa Zingsheim
• Cute Piber
• Gerrit Sager
• Iris Haraldsson
• Pierre Sandsten-Hoyos
• Theresa Schlederer

Ungmenni:

• Alma Brandstätter
• Chiara Löw-Beer
• Clara Pann
• Livni Leitner
• Lorraine Essl