Daniel C. Schulz og Spuni vom Heesberg efstir

Það styttist í Heimsmeistaramótið í Hollandi í ágúst en nú eru 9 dagar þangað til að mótið formlega hefst. Gaman er að glugga í WR listana og sjá hvaða knapar hafa verið að ná hæstu einkunnum í hverri grein. WR listinn er byggður á þremur hæstu einkunnunum sem knapi og hestur hafa náð sér í á WR mótum síðustu tvö ár.

Efstur á WorldRanking listanum er Daniel C. Schulz á Spuna vom Heesberg en hann hefur einnig hlotið hæstu einkunnina í forkeppni í ár eða 8.73 í einkunn. Daniel og Spuni eru líklegir kanditarar til að taka titilinn en spennandi verður að sjá hvað þau Christina Lund á Lukku-Blesa frá Selfossi, Máni Hilmarsson á Gljátoppi frá Miðhrauni og Julie Christiansen á Felix frá Blesastöðum 1a gera á mótinu.

Greinilegt er að íslensku landsliðsþjálfararnir eru ekki að einblína á slaktaumatöltið en ekkert ungmenni fer í þá grein sem aðalgrein og ekki heldur fullorðinn knapi. Teitur Árnason er skráður með Njörð frá Feti sem varahest en þeir urðu Íslandsmeistarar í greininni. Þorgeir Ólafsson og Goðasteini frá Haukagili eru skráðir til leiks í slaktaumatöltinu en þeir eru sterkir í samanlögðum fimmgangsgreinum og keppa því í fimmgangi, slaktaumatölti og gæðingaskeiði. Hæst hafa þeir Þorgeir og Goðasteinn farið í 7.50 í slaktaumatölti á árinu.

FEIF WorldRanking listinn