Heimsmeistaramót Drangur er hæst dæmdi sex vetra stóðhesturinn á HM

  • 7. ágúst 2025
  • Fréttir

Drangur og Viðar. Ljósmynd: Henk & Patty

Yfirlitssýningu sex vetra gamalla stóðhesta lauk nú rétt í þessu en í þeim flokki hlutu sex stóðhestar fullnaðardóm.

Fulltrúi Íslands í þeim flokki, Drangur frá Ketilsstöðum, sýndur af Viðari Ingólfssyni stóð sig frábærlega og hlaut sinn hæsta dóm. Fyrir sköpulag hafði hann hlotið 8,56 og hlaut nú fyrir hæfileika 8,59 en hann hækkaði einkunn sýna fyrir skeið úr 8,0 í 8,5 og hlaut 9,0 fyrir tölt, samstarfsvilja og fet og í aðaleinkunn 8,58. Ræktandi hans og eigandi er Bergur Jónsson en hann er undan Álfakletti frá Syðri-Gegnishólum og Tíbrá frá Ketilsstöðum.

 

Land Hross Sýnandi Sköpulag Hæfileikar Aðaleinkunn
Ísland Drangur frá Ketilsstöðum Viðar Ingólfsson 8,56 8,59 8,58
Danmörk Ragnar fra Gavnholt Agnar Snorri Stefansson 8,59 8,28 8,39
Danmörk Bikar fra Guldbæk Sigurður Óli Kristinsson 8,35 8,32 8,33
Svíþjóð Garður från Segersgården Erlingur Erlingsson 8,45 8,18 8,28
Austurríki Tríton vom Panoramahof Þórður Þorgeirsson 8,39 7,93 8,09
Frakkland Jagúar du Langeren Erlingur Erlingsson 8,11 7,45 7,68

Nýjasta tölublað

Tengdar greinar