Elva Rún efst unglinga og Jón Ársæll ungmenna

Nú er öllum mótum lokið á Íslandi og því vert að kíkja á stöðulista ársins og hverjir hafa náð hæstu einkunnum í hringvallargreinum eða verið fljótastir í skeiðgreinum hér á landi. Stöðulistar miða alltaf við einkunn í forkeppni. Hér fyrir neðan má sjá efstu knapa í fjórgangi (V1) í ungmenna- og unglingaflokki.

Efstur á stöðulista í ungmennaflokki er Jón Ársæll Bergmann á Halldóru frá Hólaborg en þau hlutu 7,33 í einkunn á Íþróttamóti Sleipnis. Aðra hæstu einkunn ársins hlaut Védís Huld Sigurðardóttir á Ísaki frá Þjórsárbakka á sama móti með 7,13 í einkunn. Þriðju hæstu einkunn ársins hlaut Guðný Dís Jónsdóttir á Hraunari frá Vorsabæ II, 7,03 á Íþróttamóti Spretts.

Í unglingaflokki er það Elva Rún Jónsdóttir sem efst stendur á stöðulista á Hraunari frá Vorsabæ II en þau hlutu 6,77 í einkunn á Íslandsmóti barna og unglinga. Næst efst á listanum er Ída Mekkín Hlynsdóttir á Marín frá Lækjarbrekku með 6,73 í einkunn. Jafnar í þriðja sætinu með 6,67 í einkunn eru þær Ásta Hólmfríður Ríkharðsdóttir á Garra frá Bessastöðum, Hildur María Jóhannesdóttir á Viðari frá Klauf og Elísabet Líf Sigvaldadóttir á Goða frá Garðabæ.

Elva Rún Jónsdóttir lyfir bikar á Íslandsmóti barna og unglinga

Stöðulistinn er birtur með fyrirvara um það að allir mótshaldarar hafa skilað inn niðurstöðum frá sínum mótum.

30 efstu í fjórgangi ungmenna

30 efstu í fjórgangi unglinga