Fimmgangsveisla framundan á Rangárbökkum

Alþjóðlegt (WR) íþróttamót Geysis heldur áfram í dag á Rangárbökkum við Hellu en mótið er sýnt í beinni útsendingu á sjónvarpi Eiðfaxa.

Keppni dagsins hefst klukkan 09:00 á keppni í fimmgangi (F1) í meistaraflokki þar sem frábærir knapar og hestar eru skráði til leiks. Keppt verður svo í hinum ýmsu keppnisflokkum í fimmgangi og fjórgangi en dagskrá lýkur ekki fyrr en um klukkan 22:00 í kvöld.

Í gær var keppt í forkeppni í fjórgangi og kappreiðaskeiði, 250 og 150 metra.

Sigurvegari í 250 metra skeiði var Sigurður Sigurðarson á Trommu frá Skúfslæk á tímanum 22,96 sekúndum og í ungmennaflokki var það Herdís Björg Jóhannsdóttir sem einnig fór á tímanum 22,96 sekúndur.

í 150 metra skeiði náði bestum tíma fullorðinna Árni Björn Pálsson á Þokka frá Varmalandi en þeir runnu sprettfærið á 14,79 sekúndum og í ungmennaflokki var það Sigurbjörg Helgadóttir á Hörpurós frá Helgatúni sem hraðast fór á tímanum 15,72 sekúndum.

Í fjórgangi í Meistaraflokki leiðir Aðalheiður Anna Guðjónsdóttir á Hulin frá Breiðsstöðum með einkunnina 7,47 en allar niðurstöður mótsins má sjá og fylgjast með í rauntíma á snjallforritinu HorseDay.

Dagskrá föstudagur 30.maí