Það eru sannkölluð forréttindi að vera áhugamaður um hestaíþróttir þessa dagana, því beinar útsendingar frá hinum ýmsu keppnum eru nær hvern dag á EiðfaxaTV. 

Í kvöld fer fram æsispennandi keppni í Meistaradeild Líflands þegar keppt verður í fimmgangi. Keppnin hefst klukkan. 19:00 en húsið opnar 17:30 og er frítt inn í boði Eques. Hlaðborðið verður á sínum stað en þeir sem panta fyrir fram tryggja sér frátekið sæti í stúkunni, hægt er að panta HÉR.

Þetta er þriðja keppnisgreinin af átta sem keppt er í og því ættu línur að fara að skýrast í einstaklings- og liðakeppni. Líkt og farið var yfir hér á vef Eiðfaxa fyrr í vikunni að þá eru svakalegar kanónur á ráslistanum fyrir kvöldið. Þar er að finna bæði reynd keppnispör og spennandi hross sem eru að stíga sín fyrstu skref í keppni. Knaparnir munu leggja sig fram um að ná því besta fram í sínum hestum og hámarka árangur sinn.

Fyrir þá sem heima sitja verður allt í þráðbeinni á sjónvarpsstöð Eiðfaxa, EiðfaxaTV. Útsending hefst klukkan 18:30 og þulir kvöldsins á íslensku eru þau Hulda Geirsdóttir og Ævar Örn Guðjónsson. Þá sér Sigvaldi Lárus Guðmundsson um lýsingu á ensku og Julie Christansen á þýsku.

Líkt og í síðustu grein verður Landsmótsleikur í gangi á meðan að forkeppni stendur. Spurningarnar verða bornar upp í beinni útsendingu áður en keppni hefst og geta áhorfendur sent svör sín við þeim á tölvupóstfangið hilda@landsmot.is

Staðan í einstaklingkeppni fyrir kvöldið

Staðan í liðakeppni fyrir kvöldið

Nældu þér í áskrift og fylgstu með Meistaradeild Líflands á EiðfaxaTV