Fimmtán hross hlutu 9,5 fyrir fegurð í reið

Fegurð í reið er mat á heildar útgeislun hestsins í gegnum alla sýninguna. Tekið er mið af líkamsbeitingu hestsins, reisingu, höfuðburði, skrokkmýkt, taglburði og fótahreyfingum á öllum gangtegundum. Einkunnin 10,0 hefur aldrei verið gefinn fyrir þennan eiginleika og á því varð ekki breyting í ár.

Fimmtán hross hlutu einkunnina 9,5 í ár, þar af þrjú þeirra undan Kveiki frá Stangarlæk 1, sem öllu voru sýnd af Aðalheiði Önnu Guðjónsdóttur. Þar af voru tvö þeirra frá Breiðstöðum þau Hulinn og Senía en til viðbótar við þau var það Baldvin frá Margrétarhofi. Helga Una Björnsdóttir sýndi einnig þrjú hross sem hlutu 9,5 fyrir fegurð í reið en það voru Hátíð frá Efri-Fitjum, Húni frá Ragnheiðarstöðum og Auður frá Hamarsey.