Fjóla og Spira sigra í fimmgangi Áhugamannadeildar Norðurlands

Keppni í fimmgangi fór fram í gær, sunnudaginn 14.mars, í Svaðastaðahöllinni á Sauðárkróki. Var þetta annað mótið í mótaröðinni en næst verður keppt í tölti á Akureyri þann 11.apríl og er það lokamótið. Keppt er í flokki meira- og minna varna áhugamanna og voru það alls 63 knapar og hestar sem tóku þátt í fimmgangi.

Í flokki meira vanra sigraði Spire Cecilina Ohlsson á Verði frá Feti. Hún leiddi að lokinni forkeppni með 6,13 og í A-úrslitum jók hún enn frekar á forskot sitt og stóð uppi sem sigrvegari með 6,60 í einkunn. Önnur varð Elina Schriver á Sinfoníu frá Hofi með 6,10 í einkunn og í þriðja sæti varð Greta Brimrún Karlsdóttir á Brimdal frá Efri-Fitjum með 5,93.

Spira stendur efst á palli í flokki meira vanra áhugamanna

Í flokki þeirra knapa sem eru minna vanir sigraði Fjóla Viktorsdóttir á Snældu frá Syðra-Skörðugili. Líkt og Spire að þá leiddi hún nokkuð örugglega að lokinni forkeppni með einkunnina 5,83. Í úrslitunum bætti hún um betur og hlaut 6,33 í einkunn og sigurinn nokkuð öruggur. Önnur varð Sigríður K. Sverrisdóttir á Sóldögg frá Króksstöðum með 6,11 og í þriðja sætinu Eva-Lena Lohi á Klifu frá Galtanesi með 5,42 í einkunn.

Efstu knapar í flokki minna vanra knapa, Fjóla Viktorsdóttir efst á palli

Stigahæsta liðið í fimmgangi og því sigurvegari í liðakeppninni var lið Laugarhvamms með 88 stig í öðru sæti varð N1/Smiðjan með 72 stig og Syðra-Skörðugil með 69 stig. Þessi sömu lið raða sér á toppinn í heildarstigakeppni liða og er það lið Laugarhvamms sem leiðir þar með 138 stig, N1/Smiðjan í öðru sæti með 126 stig og í því þriðja lið Syðra-Skörðugils með 115,5 stig.

Heildarsúrslit