Folaldasýning Sörla – Uppboð á folatollum

Hestamannafélagið Sörli heldur sína árlegu folaldasýningu næstkomandi laugardag, 28. febrúar. Samhliða sýningunni verður uppboð á úrval hágæða folatolla sem ættu að kitla ræktunartaugina hjá mörgum.

Kynbótanefnd Sörla hefur kynnt fjóra öfluga stóðhesta sem hægt verður að bjóða í:

Dalvar frá Efsta-Seli: Heimsmetafi í flokki 5 vetra stóðhesta með aðaleinkunnina 8,99. Hann skartar 9,01 fyrir sköpulag og 8,98 fyrir hæfileika.

Aspar frá Hjarðartúni: Ofurklárhestur sem hlaut 9,01 fyrir hæfileika án skeiðs, þar af 9,5 fyrir tölt, brokk og fegurð í reið.

Kjuði frá Dýrfinnustöðum: Alhliða gæðingur með 8,38 í aðaleinkunn. Afkvæmi hans hafa vakið mikla athygli og hrifningu nýverið í kynbótaferð Sörlafélaga.

Börkur frá Margrétarhofi: Brúnskjóttur undan Kveiki frá Stangarlæk og Flís frá Austurási. Hann á tvo bræður sem báðir hafa hlotið 1. verðlaun.

Sýning og skráning

Þorvaldur Kristjánsson mun dæma folöldin og eru veitt verðlaun fyrir fimm efstu sætin í hvorum flokki. Auk þess hlýtur glæsilegasta folald sýningarinnar hinn eftirsótta farandbikar, Þjórsárbakkabikarinn.

Sýningin er opin öllum en frestur til að skrá folöld til leiks rennur út á miðnætti í kvöld, 25. febrúar.

Upplýsingar um skráningu:
Netfang: kynbotanefnd@sorli.is
Skráningargjald: 5.000 kr. á hvert folald
Greiðsluupplýsingar: Reikningur 0545-26-3615, kt. 640269-6509