Gleði og gaman í gæðingakeppni

Þriðja mótið í Blue Lagoon mótaröðinni fór fram í gær í Samskipahöllinni í Spretti. Mótið var sýnt í opinni útsendingu á EiðfaxaTV og í myndlyklum Símans og Vodafone. Að þessu sinni var keppt í gæðingakeppni í nokkrum flokkum. Barnaflokki meira og minna vanra knapa, Unglingaflokki meira og minna vanra knapa og B-flokki ungmenna. Frábært framtak að gefa keppendum færi á að taka þátt í gæðingakeppni innanhúss

Í barnaflokki, meira vanir, var það Kristín Rut Jónsdóttir á Má frá Votumýri 2 sem sigraði keppinauta sína með einkunnina 8,66 í úrslitum. í barnaflokki, minna vanir, var Bryanna Heaven Brynjarsdóttir á toppnum á Magna frá Kaldbak með 8,40 í einkunn.

Kristín Rut Jónsdóttir hleypir Má frá Votumýri á stökk. Ljósmynd: Gunnhildur Ýrr

Verðlaunaafhending í unglingaflokki – minna vanir knapar. Ljósmynd: Gunnhildur Ýrr

Unglingaflokk meira varna knapa vann Sigríður Fjóla Aradóttir á Ekkó frá Hvítárholti með 8,43 í einkunn og í flokki minna vanra unglinga var það Erlín Hrefna Arnarsdóttir og Ástríkur frá Traðarlandi sem unnu með 8,32 í einkunn

Sigríður Fjóla Aradóttir kampakát með sigur í flokki meira vanra unglinga

Kolbrún Sif Sindradóttir og Toppur frá Sæfelli tóku sigurinn í B-flokki ungmenna með 8,41 í einkunn.

Kolbrún Sif Sindradóttir sigurvegari í B-flokki ungmenna ásamt öðrum úrslitaknöpum. Ljósmynd: Gunnhildur Ýrr

Heildarúrslit