Góður dagur hjá Árna Birni og Konráði Val

Það er ekki hægt að segja að það hafi viðrað vel til skeiðkappreiða á Brávöllum á Selfossi í dag en þar fór fram skeiðmót Meistaradeildar Líflands í hestaíþróttum. Veðrið slapp ágætlega þangað til að byrja að snjóa í seinni skeiðsprettinum í gæðingaskeiðinu og var veðrið orðið hrikalegt í lok kappreiðanna.

TopReiter/Sumarliðabær höluðu inn stigum

Árni Björn Pálsson safnaði sér stigum í dag með sigur í gæðingaskeiði á Elmu frá Staðarhofi og silfri í 150 m. skeiði á Ögra frá Horni I. Það þýða 22 stig í pottinn fyrir hann og þriðja sætið í einstaklingskeppninni með 35 stig.

Liðsfélagi hans, Konráð Valur Sveinsson, lék svipaðann leik, vann 150 m. skeiðið og tók silfrið í gæðingaskeiðinu á Kastori frá Garðshorni á Þelamörk. Ótrúlegur tími hjá Konráð og Kastor en þeir fóru báða sprettina undir 14,00 sek. í 150 m. skeiðinu.

Konráð Valur Sveinsson og Kastor frá Garðshorni á Þelamörk sigurvegarar í 150 metra skeiði

Þeir keppa báðir fyrir lið TopReiter/Sumarliðabæjar sem vann báða liðaplatana í dag og náði efsta sætinu af liði Hjarðartúns en nú munar hálfu stigi á liðunum.

Hér fyrir neðan er hægt að sjá niðurstöður frá mótinu.

Liðsmenn TopReiter/Sumarliðabæjar kampakátir með frábæran árangur dagsins. F.v. Árni Björn Pálsson, Teitur Árnason, Guðmunda Ellen Sigurðardóttir og Konráð Valur Sveinsson.

Spenna í stigakeppninni

Dagurinn í dag setti heldur betur spennu í bæði liða- og einstaklingskeppnina. Það eru nokkur stig sem skilja að efstu knapa í einstaklingskeppninni en Ásmundur Ernir Snorrason er enn efstur á toppnum með 38,5 stig en hann náði í stig dag í gæðingaskeiðinu. Aðalheiður Anna er í öðru sætinu með 37 stig en hún náði stigum í báðum greinum. Eins og áður sagði er Árni Björn í þriðja sætinu með 35 stig eftir góðan dag á skeiðbrautinni og Jakob Svavar Sigurðsson er í því fjórða með 29 stig.

TopReiter/Sumarliðabær átti mjög góðan dag og náði efsta sætinu af liði Hjarðartúns sem átti ekki eins góðan dag. TopReiter/Sumarliðabær náði efsta sætinu og munar nú hálfu stigi á því og Hjarðartúni. IB Bílar rifu sig líka upp í þriðja sætið

Næsta mót er lokamót deildarinnar en þá verður keppt í tölti og skeiði í gegnum höllina. Mótið fer fram föstudaginn 27. mars í HorseDay höllinni.

Staðan í einstaklingskeppninni

1. Ásmundur Ernir Snorrason 38.5
2. Aðalheiður Anna Guðjónsdóttir 37
3. Árni Björn Pálsson 35
4. Jakob Svavar Sigurðsson 29
5. Jón Ársæll Bergmann 26
6. Þorgeir Ólafsson 25.5
7. Konráð Valur Sveinsson 22
8. Helga Una Björnsdóttir 18.5
9. Hans Þór Hilmarsson 15.5
10. Arnhildur Helgadóttir 14.5
    Eyrún Ýr Pálsdóttir 14.5

Staðan í liðakeppninni

1. TopReiter/Sumarliðabær 218
2. Hjarðartún 217.5
3. IB bílar 154
4. Ganghestar/Margrétarhof 150
5. Hestvit/Árbakki 144
6. Hrímnir/Hest.is 141.5

Skeið 150m. niðurstöður

Sæti Knapi Hross Lið Tími
1 Konráð Valur Sveinsson Kastor frá Garðshorni á Þelamörk TopReiter/Sumarliðabær 13,94
2 Árni Björn Pálsson Ögri frá Horni I TopReiter/Sumarliðabær 14,47
3 Þorgeir Ólafsson Grunur frá Lækjarbrekku 2 IB bílar 14,74
4 Helga Una Björnsdóttir Salka frá Fákshólum Hjarðartún 14,88
5 Hinrik Bragason Klókur frá Dallandi Hestvit/Árbakki 15,02
6 Hans Þór Hilmarsson Bína frá Vatnsholti Hjarðartún 15,10
7 Aðalheiður Anna Guðjónsdóttir Hörpurós frá Helgatúni Ganghestar/Margrétarhof 15,30
8 Teitur Árnason Hátíð frá Sumarliðabæ 2 TopReiter/Sumarliðabær 15,34
9-10 Flosi Ólafsson Orka frá Breiðabólsstað Hrímnir/Hest.is 15,49
9-10 Benjamín Sandur Ingólfsson Gullborg frá Læk IB bílar 15,49
11 Daníel Gunnarsson Sigur frá Bessastöðum Uppboðssæti 15,83
12 Sigurður Vignir Matthíasson Gnúpur frá Dallandi Ganghestar/Margrétarhof 15,98
13 Jóhanna Margrét Snorradóttir Sæla frá Hemlu II Hestvit/Árbakki 16,00
14 Gústaf Ásgeir Hinriksson Piltur frá Sturlureykjum 2 Hestvit/Árbakki 16,07
15 Guðmar Hólm Ísólfsson Líndal Alviðra frá Kagaðarhóli Ganghestar/Margrétarhof 16,08
16 Jakob Svavar Sigurðsson Vorsól frá Stóra-Vatnsskarði Hjarðartún 16,35
17 Jón Ársæll Bergmann Otra frá Fornhaga II IB bílar 16,38
18 Ásmundur Ernir Snorrason Númi frá Árbæjarhjáleigu II Hrímnir/Hest.is 16,69
19 Sigurður Sigurðarson Tromma frá Skúfslæk Hrímnir/Hest.is 0,00

Gæðingaskeið PP1 niðurstöður

Sæti Knapi Hross Lið Einkunn
1 Árni Björn Pálsson Elma frá Staðarhofi TopReiter/Sumarliðabær 8,58
2 Konráð Valur Sveinsson Kastor frá Garðshorni á Þelamörk TopReiter/Sumarliðabær 8,54
3 Gústaf Ásgeir Hinriksson Piltur frá Sturlureykjum 2 Hestvit/Árbakki 7,58
4 Sigurður Vignir Matthíasson Hvirfill frá Mánaskál Ganghestar/Margrétarhof 7,46
5 Jón Ársæll Bergmann Gljásteinn frá Íbishóli IB bílar 7,21
6 Ásmundur Ernir Snorrason Askur frá Holtsmúla 1 Hrímnir/Hest.is 7,17
7 Aðalheiður Anna Guðjónsdóttir Hörpurós frá Helgatúni Ganghestar/Margrétarhof 7,13
8 Elvar Þormarsson Ýr frá Selfossi Hjarðartún 7,13
9 Guðmunda Ellen Sigurðardóttir Mjallhvít frá Sumarliðabæ 2 TopReiter/Sumarliðabær 7,13
10 Bergur Jónsson Salvar frá Hellubæ IB bílar 7,08
11 Hans Þór Hilmarsson Penni frá Eystra-Fróðholti Hjarðartún 7,08
12 Jóhanna Margrét Snorradóttir Sæla frá Hemlu II Hestvit/Árbakki 6,92
13 Hinrik Bragason Eik frá Efri-Rauðalæk Hestvit/Árbakki 6,63
14 Viðar Ingólfsson Lína frá Þjóðólfshaga 1 Hrímnir/Hest.is 6,50
15 Jakob Svavar Sigurðsson Bresi frá Efri-Hrepp Hjarðartún 6,42
16 Guðmar Hólm Ísólfsson Líndal Gammur frá Efri-Þverá Ganghestar/Margrétarhof 4,71
17 Jóhann Kristinn Ragnarsson Þórvör frá Lækjarbotnum Uppboðssæti 3,88
18 Sigurður Sigurðarson Glettir frá Þorkelshóli 2 Hrímnir/Hest.is 3,79
19 Þorgeir Ólafsson Grunur frá Lækjarbrekku 2 IB bílar 1,00