Gunnar og Júpíter sigra aftur – Hvolpasveitin stigahæsta liðið

Næst síðasta greinin í Samskipadeildinni fór fram í kvöld þegar keppt var í tölti T3. Alls voru það 59 keppendur sem mættu til leiks og sáust góð tilþrif.

Að lokinni forkeppni var það Gunnar Már Þórðarson sem leiddi keppnina með 6,93 í einkunn á Júpíter frá Votumýri 2, skammt á hæla hans kom Herdís Einarsdóttir á Grifflu frá Grafarkoti með 6,77 í einkunn. Alls áttu 7 knapar keppninsrétt í A-úrslitum þar sem þeir Hannes Sigurjónsson og Garðar Hólm Birgisson voru jafnir í 6-7 sæti.

Í A úrslitum fór það svo að sigurvegari var Gunnar Már Þórðarson á Júpíter með 6,94 í einkunn, þeir hafa gert það gott í vetur því þeir unnu einnig keppni í slaktaumatölti fyrr í vetur. Jafnar i 2-3 sæti voru Soffía Sveinsdóttir á Skuggaprins frá Hamri og Þorgerður Gyða Ásmundsdóttir á Flugari frá Morastöðum með 6,78 í einkunn.

Sigurvegari B-úrslita var Sveinbjörn Bragason á Auði frá Þingholti með 6,56 í einkunn.

Stigahæsta lið kvöldsins var Hvolpasveitin/Fossvélar ehf

Næsta mót og jafnframt það síðasta í deildinni verður haldið á morgun laugardaginn 20. apríl þegar keppt verður í gæðingaskeiði. Þar munu úrslitin ráðast í einstaklings- og liðakeppninni.

Eftirfarandi eru niðurstöður kvöldsins.

A-úrslit

B-úrslit

Forkeppni