Hæst dæmda fjögurra vetra hryssa ársins sýnd á Akureyri

Vorsýningu kynbótahrossa á Akureyri lauk í dag með yfirliti. Alls voru 62 hross sem komu til dóms og þar af 50 í fullnaðardómi. Á sýningunni kom mikið fram af ungum hrossum sem hlutu góða einkunn. Dómarar voru þau Elsa Albertsdóttir, Einar Ásgeirsson og Elisabeth Trost.

Hæst dæmda hross sýninarinnar er Karen frá Hríshóli 1. Hún er sex vetra gömul undan Glúmi frá Dallandi og Stjörnu frá Efri-Rotum. Ræktandi er Sigurður Ólafsson en eigandi Vilberg Þráinsson. Agnar Þór Magnússon sýndi hana til dóms en þjálfari er Iðunn Lilja Svansdóttir.
Karen hlaut fyrir sköpulag 8,33 og fyrir hæfileika 8,39 í aðaleinkunn 8,37. Hún hlaut m.a. 9,0 fyrir háls,herðar og bóga, greitt stökk og samstarfsvilja.

Hæst dæmdi stóðhesturinn er fjögurra vetra gamall og heitir Ómar frá Garðshorni á Þelamörk úr ræktun þeirra Birnu Tryggavdóttur Thorlacius og Agnars Þórs Magnússonar sem einnig sýndi hestinn en Birna þjálfaði. Ómar er undan Organista frá Horni og Hremmsu frá Akureyri. Hann hlaut 8,21 fyrir sköpulag, 8,25 fyrir sköpulag og í aðaleinkunn 8,23.

Ómar frá Garðshorni á Þelamörk

Þá má einnig nefna fjögurra vetra gamla hryssu sem einnig er frá Garðshorni á Þelamörk og heitir Aðalheiður. Undan Ölni frá Akranesi og Garúnu frá Garðshorni á Þelamörk. Hún hlaut 8,30 fyrir sköpuag, 8,21 fyrir sköpulag og 8,24 í aðaleinkunn. Aðalheiður er hæst dæmda 4.vetra hryssan sem komið hefur fram á þessu ári.