Hanne gerði góða ferð norður

27. febrúar 2026
Fréttir

Lið Þúfna stigahæsta lið kvöldsins

Keppni í slaktaumatölti í Meistaradeild KS fór fram í Svaðastaðahöllinni í kvöld. Var þetta önnur keppnisgreinin í ár sem keppt er í og næsta grein er fimmgangur , sem fram fer 13.mars. Kvöldið í kvöld var tileinkað Einstökum börnum á alþjóðlegum degi sjaldgæfra sjúkdóma sem er í dag, 27. febrúar.

Þeir Trausti Ingólfsson fyrir hönd Diesel afl, sem bauð frítt inn í kvöld, og Þórður Bragi Sigurðsson. Sáu um að veita verðlaun kvöldsins. Með þeim er gæðingurinn Tónn frá Hjarðartúni. Ljósmynd: Freydís Bergsdóttir

Slaktaumatölt er krefjandi grein og er oft stutt á milli þess að knöpum takist vel til og að miður fari. Þeir knapar sem riðu til úrslita áttu góðar sýningar í forkeppni og varð til þess að keppni í A-úrslitum var sterk og spennandi.

Hanne Oustad Smidesang keppti sem villiköttur fyrir lið Hofstorfunnar/550 á Tóni frá Hjarðartúni. Hún sigraði keppinauta sína með nokkrum yfirburðum hlaut 7,90 í forkeppni og 8,38 í úrslitum. Góð ferð norður hjá Hanne og Tóni sem eru á meðal sterkustu para landsins í þessari grein. Önnur varð Vera Scneiderchen á Feyki frá Selfossi með 7,58 í úrslitum og stuttu á eftir henni í þriðja sætinu varð Mette Mannseth á Töfra frá Þúfum með 7,46.

Lið Þúfna varð stigahæsta lið kvöldsins með 72 stig, þar á eftir kom lið Líflands með 59 stig og í því þriðja Hrímnir/Hestklettur með 54 stig.

Keppendur í liði Þúfna í kvöld voru þær Mette Mannseth, Barbara Wenzl og Lea Busch. Ljósmynd: Freydís Bergsdóttir

Heildarúrslit

Tölt T2
Fullorðinsflokkur – Meistaraflokkur
Forkeppni
Sæti	Knapi	Hross	Einkunn
1	Hanne Oustad Smidesang	Tónn frá Hjarðartúni	7,90
2-3	Mette Mannseth	Töfri frá Þúfum	6,93
2-3	Barbara Wenzl	Maístjarna frá Naustum III	6,93
4	Lilja Dögg Ágústsdóttir	Hryggur frá Hryggstekk	6,90
5	Vera Evi Schneiderchen	Feykir frá Selfossi	6,83
6-8	Lea Christine Busch	Kvaran frá Ölduhofi	6,77
6-8	Þorsteinn Björn Einarsson	Hagur frá Hofi á Höfðaströnd	6,77
6-8	Auður Karen Auðbjörnsdóttir	Hátíð frá Garðsá	6,77
9	Agnar Þór Magnússon	Jósteinn frá Íbishóli	6,73
10	Finnbogi Bjarnason	Einir frá Enni	6,70
11	Kristján Árni Birgisson	Stúdent frá Ásmúla	6,43
12	Guðmar Hólm Ísólfsson Líndal	Sindri frá Lækjamóti II	6,33
13-15	Björg Ingólfsdóttir	Valíant frá Miðhjáleigu	6,20
13-15	Matthías Sigurðsson	Víkingur frá Hlemmiskeiði 2	6,20
13-15	Magnús Bragi Magnússon	Óskhyggja frá Íbishóli	6,20
16	Elvar Einarsson	Muni frá Syðra-Skörðugili	6,17
17	Sigurður Dagur Eyjólfsson	Andrá frá Mykjunesi 2	6,03
18	Herjólfur Hrafn Stefánsson	Yllir frá Reykjavöllum	5,90
19-20	Sigurður Heiðar Birgisson	Fagri frá Skeiðvöllum	5,87
19-20	Herdís Björg Jóhannsdóttir	Stofn frá Akranesi	5,87
21	Harpa Dögg Bergmann Heiðarsdóttir	Þytur frá Stykkishólmi	5,70
22	Þorsteinn Björnsson	Gefjun frá Hólum	5,57
23	Ólöf Bára Birgisdóttir	Blær frá Tjaldhólum	5,53
24	Sigurður Steingrímsson	Sindri frá Kálfsstöðum	5,23
25	Atli Freyr Maríönnuson	Sif frá Staðarhofi	5,03
26	Björgvin Helgason	Eyjasól frá Litlu-Brekku	4,20
27	Julian Veith	Tindur frá Núpstúni	4,13
B úrslit
Sæti	Knapi	Hross	Einkunn
6	Finnbogi Bjarnason	Einir frá Enni	7,21
7	Þorsteinn Björn Einarsson	Hagur frá Hofi á Höfðaströnd	6,92
8	Agnar Þór Magnússon	Jósteinn frá Íbishóli	6,79
9-10	Lea Christine Busch	Kvaran frá Ölduhofi	6,75
9-10	Auður Karen Auðbjörnsdóttir	Hátíð frá Garðsá	6,75
A úrslit
Sæti	Knapi	Hross	Einkunn
1	Hanne Oustad Smidesang	Tónn frá Hjarðartúni	8,38
2	Vera Evi Schneiderchen	Feykir frá Selfossi	7,58
3	Mette Mannseth	Töfri frá Þúfum	7,46
4	Lilja Dögg Ágústsdóttir	Hryggur frá Hryggstekk	6,96
5	Barbara Wenzl	Maístjarna frá Naustum III	6,75