Hljómur hæst dæmdur í elsta flokki stóðhesta

Yfirlitssýningu í elsta flokki stóðhesta, sjö vetra og eldri, lauk nú rétt í þessu en í þeim flokki voru níu hestar sýndir. Frá og með síðasta heimsmeistaramóti eru hrossin eingöngu dæmd í hæfileikum og fylgir þeim sá sköpulagsdómur sem þau hlutu í hæsta dómi á vorsýningum, líkt og þekkist á stórmótum heima á Íslandi.

Hæst dæmdi hesturinn í þessum flokki er Hljómur frá Auðsholtshjáleigu sem jafnframt er fulltrúi Íslands. Hann er ræktaður af Gunnari Arnarssyni og Kristbjörgu Eyvindsdóttur en eigandi er Stutteri Egebjerggård I/S. Faðir Hljóms er Organisti frá Horni og móðir er Tíbrá frá Auðsholtshjáleigu fyrir sköpulag hlaut hann 8,76, fyrir hæfileika 8,78 og í aðaleinkunn 8,77. Sýnandi hans var Árni Björn Pálsson.