„Hryssan er gæðingur“

Heimsmeistaramót íslenska hestsins er hafið. Eiðfaxi mun standa vaktina alla vikuna og flytja fréttir af mótinu og taka viðtöl við fólk á vettvangi.

Fyrsta atriði heimsmeistaramótsins eru kynbótadómar og hófst það á flokki 5. vetra hryssa. Þar mættu til dóms sex hryssur og er fulltrúi Íslands í þeim flokki Óskastund frá Steinnesi sýnd af Árna Birni Pálssyni. Faðir hennar er Adrían frá Garðshorni á Þelamörk og móðir er Óskadís frá Steinnesi. Ræktandi hennar er Magnús Jósefsson en eigandi er Anja Egger og Kronshof.

Óskastund hlaut nú fyrir hæfileika 8,47 og í aðaleinkunn 8,41 en hún stendur efst í sínum flokki eftir forsýningu en yfirlitssýning fer fram á fimmtudag og föstudag.

5. vetra flokkur hryssa