Íslandsmót fullorðinna og ungmenna verður á Selfossi

Íslandsmót fullorðinna og ungmenna í hestaíþróttum verður haldið á Selfossi í sumar en Hestamannafélagið Sleipnir heldur mótið á Brávöllum dagana 28.júní – 2.júlí. Rétt til þáttöku eiga þau pör sem lágmörkum hafa náð í hverri grein sem nást hafa á þessu ári.

Pör sem náð hafa lágmörkum í hringvallagreinum í fullorðinsflokki og ungmennaflokki hafa heimild til að taka þátt á mótinu. Lágmörk gilda einnig um skeiðgreinar, 100m, 150m, 250m og gæðingaskeiði.

Í fyrsta sinn verður boðið uppá Gæðingalist á Íslandsmóti og eru það fyrstu 15 sem ná skráningu

Það styttist heldur betur í hestaveislu og besti hestakostur landsins mun safnast saman og etja kappi og eflaust nokkur pör sem munu fara fyrir Íslandshönd og keppa á Heimsmeistaramótinu sem haldið er í Hollandi í ágúst.

Skráning er hafin og stendur til 20 júní. Skráningagjald í hverja grein eru 15.000kr. Skráning fer fram í sportfeng og velja þarf Sleipnir sem mótshaldara.

Þau lágmörk sem pör skulu hafa náð eru eftirfarandi;