Landsliðshópur Noregs

Á meðal sterkra para sem líklega er að verði ofarlega á HM eru Anne Stina Haugen og Hæmir frá Hyldsbæk en þau þóttu líkleg til að blanda sér í baráttuna á síðasta heimsmeistaramóti en stuttu fyrir mót slasaðist Hæmir og var því ekki klár í slaginn á mótinu. Þau eru önnur á stöðulista FEIF í fjórgangi. Christina Lund og Lukku-Blesi frá Selfossi eru geysilega magnað par í fjórgangi og slaktaumatölti og eru á meðal efstu para í þeim greinum á stöðulistum. Nils Christian Larsen er ríkjandi Norðurlandameistari í fimmgangi á fyrrum heimsmeistaranum Gusti vom Kronshof og hann er til alls líklegur. Reynsluboltinn Stian Pedersen er þá einnig í hópnum á Spaða frá Barkarstöðum og athygli vekur að Hanne Smidesand á hinni geysifljótu Vináttu frá Árgerði er á meðal landsliðsknapa.

Noregur hefur ekki náð heimsmeistaratitli í hringvallargrein frá árinu 2013 þegar Oda Ugland var heimsmeistari ungmenna í tölti í fullorðinsflokki þarf að leita lengra aftur en Tina Kalmo Pedersen varð heimsmeistari í slaktaumatölt  árið 2011.

Síðasti Norðmaður til að verða heimsmeistari var Lona Sneve sem varð heimsmeistari í 250 metra skeiði ungmenna árið 2019.