Lið Járnkarlsins

Fyrsta liðið sem kynnt er til leiks í Meistaradeild ungmenna 2020 er lið Járnkarlsins. Í því liðið eru fjóriri ungir og efnilegir knapar sem allir hafa náð góðum árangri á keppnisbrautinni, en þetta eru þau Gyða Sveinbjörg Kristinsdóttir, Thelma Dögg Tómasdóttir, Hafþór Hreiðar Birgisson og Katrín Eva Grétarsdóttir

Liðstjóri er Gyða Sveinbjörg Kristinsdóttir. Gyða er 18 ára gömul og stundar sína hestamennsku á Selfossi en hún er við nám í Fsu á hestabraut skólans. Hún hefur stundað hestamennsku frá blautu barnsbeini og er í Hestamannafélaginu Sleipni á Selfossi.

Thelma Dögg Tómasdóttir er 19 ára gömul og er í Hestamannafélaginu Smára. Hún stundar einnig nám við Fsu á hestabraut og býr á Kálfhóli á Skeiðum þar sem hún stundar hestamennsku.

Hafþór Hreiðar Birgisson er 19 ára gamall og er í hestamannfélaginu Spretti. Hann stundar nám við Háskóla Íslands í viðskiptafræði.

Katrín Eva Grétarsdóttir er 20 ára gömul og stundar hún nám við Háskólann á Hólum. Katrín er í hestamennafélaginu Háfeta í Þorlákshöfn.

Mynd sem fylgir fréttinni er af Gyðu Sveinbjörgu og Skálmöld frá Eystra-Fróðholti

Thelma Dögg og Bósi frá Húsavík

Hafþór Hreiðar og Von frá Meðalfelli

Katrín Eva og Gyllir frá Skúfslæk