Lið Laxárholts/Mýrdals í 1. deildinni
![](https://eidfaxi.is/wp-content/uploads/2024/02/Screenshot-2024-02-07-at-09.44.52-800x666.png)
Undirbúningur fyrir 1. deildina í hestaíþróttum er hafinn en fyrsta mótið verður 23. febrúar og þá verður keppt í fjórgangi. Deildin hefur hafið liðakynningu og þriðja liðið sem deildin kynnir til leiks er lið Laxárholts/Mýrdals
Hér fyrir neðan er liðakynningin á liði Laxárholts/Mýrdals
Ásdís Ósk Elvarsdóttir
Sjálfstætt starfandi tamningakona. Útskrifaður reiðkennari frá Háskólanum á Hólum.
Rakel Katrín Sigurhansdóttir
Eigandi Fáka-Far hestafluttninga ásamt Sævari Haralds manni sínum. Rakel þjálfar hrossin sín allan liðlangan daginn í Herði í Mosfellsbæ. Hún og Sævar eiga hrossarækt sem nefnist Traðarholt og þar hafa þau ræktað þó nokkur hross sem eru farin að láta ljós sitt skína og einhver munu vonandi sjást í keppninni í vetur.
Sigríður Pjétursdóttir
Reiðkennari og á og rekur Hestamiðstöðina Sólvang ehf. á Sólvangi við Eyrarbakka- þar sem stunduð er m.a. hrossarækt og hestatengd ferðaþjónusta. Hún var mikið á keppnisbrautinni í fyrri tíð og er margfaldur Íslandsmeistari og Landsmóts sigurvegari en hefur í seinni tíð mikið sinnt kennslu og dómstörfum.
Sunna Sigríður Guðmundsdóttir
Nýútskrifuð frá Hólum með Bs í reiðkennslu og reiðmennsku. Starfa við tamningar og þjálfun hrossa í Keflavík.
Tinna Rut Jónsdóttir
Liðsstjóri, Starfar sem tamningamaður eins og er í félagssvæði Borgfirðings í Borgarnesi. Er ný tekin við búskap í Mýrdal og er að setja upp tamningar aðstöðu þar, var með tamningar aðstöðu í Laxárholti. Rækta hross undir nafninu Laxárholt og Mýrdalur. Hún fær um 1-3 folöld á ári.