Líklegir til heiðursverðlauna fyrir afkvæmi
Nýtt kynbótamat var birt nú á dögunum með endurbætum eins og kom fram í grein er birtist á Eiðfaxa og má lesa með því að smella hér.
Þessar breytingar urðu ekki til þess að breytingar verði gerðar á verðlaunastigum fyrir stóðhesta varðandi afkvæmaverðlaun. Til 1.verðlauna fyrir afkvæmi þarf stóðhestur ennþá 118 stig í aðaleinkunn kynbótamatsins og 15 dæmd afkvæmi en til heiðursverðlauna 118 stig og 50 dæmd afkvæmi. Í framhaldi af því að hross hljóta nú tvær aðaleinkunnir, með og án skeiðs, þannig verða afkvæmaverðlaun einnig veitt þeim stóðhestum sem hljóta 118 stig eða meira í aðaleinkunn kynbótamats án skeiðs. Áfram verður þó miðað við aðaleinkunn kynbótamatsins þegar hestum er raðað í verðlaunasæti á stórmótum.
Á þessum forsendum hefur t.d. Sveinn-Hervar frá Þúfu í Landeyjum nú þegar náð lágmörkum til heiðursverðlauna fyrir afkvæmi og rúmlega það. Hann hefur 120 stig í aðaleinkunn án skeiðs og á 122 dæmd afkvæmi.
Eftirfarandi hestar eru líklegir til að hljóta heiðursverðlaun á þessu ári á Íslandi raðað eftir aðaleinkunn kynbótamatsins eins og það stendur nú. Það er þó misjafnt hversu mörg afkvæmi þessarra hesta þurfi að koma til dóms til að þeir nái lágmörkum.
Nafn | Uppruni | Ae. | Ae. án skeiðs | Fj.afkvæma |
Skýr | Skálakoti | 128 | 125 | 30 |
Hrannar | Flugumýri II | 125 | 122 | 32 |
Óskasteinn | Íbishóli | 122 | 113 | 45 |
Kjerúlf | Kollaleiru | 119 | 123 | 40 |
Loki | Selfossi | 118 | 127 | 42 |
Sveinn-Hervar | Þúfu í Landeyjum | 110 | 120 | 122 |