Meistaradeild KS frestað fram á föstudag

Vegna slæmrar veðurspár fyrir kvöldið hefur verið tekin ákvörðun um að fresta keppni í slaktaumatölti sem fram átti að fara í kvöld. Mótið verður þess í stað haldið föstudaginn 27. febrúar klukkan 19:00.

Aðstandendur Meistaradeildar KS vilja með þessu tryggja öryggi knapa, en margir þeirra koma langt að og mikilvægt er að allir komist leiðar sinnar áfallalaust.

Dagskrá og fyrirkomulag

Fyrirkomulagið á föstudaginn verður með eftirfarandi hætti:

18:50 – Upphitunarhestur mætir í braut

19:00 – Forkeppni (Rásnúmer 1-27)

Hlé – 30 mínútna kaffipása og spjall

Úrslit – B-úrslit og loks glæsileg A-úrslit

Glitrum fyrir börnin!

Mótið á föstudaginn verður með sérstöku yfirbragði þar sem kvöldið er tileinkað Einstökum börnum. Þar sem föstudagurinn er dagur þeirra eru gestir og knapar hvattir til að mæta með nóg af glimmeri og glitri til að lýsa upp kvöldið í tilefni dagsins.

Slaktaumatölti í Meistaradeild KS á föstudaginn verður að sjálfsögðu í beinni útsendingu á EiðfaxaTV.