Mikið af hátt dæmdum hrossum og níu fimmum á Hellu

Kynbótasýningum hér á landi lauk formlega í dag þegar yfirlitssýning fór fram á Gaddstaðaflötum við Hellu. 128 hross voru sýnd á sýningunni og þar af 105 í fullnaðardómi. Dómarar voru Jón Vilmundarson, Halla Eygló Sveinsdóttir og Þorvaldur Kristjánsson. 57 hross hlutu 8,0 eða hærra í aðaleinkunn og 1.verðlaun.

Hæst dæmda hross sýningarinnar var Silfurskotta frá Sauðanesi. Hún er nú hæst dæmda 6.vetra hryssa ársins auk þess að vera hæst dæmda vindótta hross frá upphafi dóma. Silfurskotta er undan Ölni frá Akranesi og Sunnu frá Sauðanesi. Hún hlaut hæst 9,5 fyrir samstarfsvilja. Ræktandi Silfurskottu er Ágúst Marinó Ágústsson en hann er eigandi ásamt Reyni Erni Pálmasyni, sýnandi var Aðalheiður Anna Guðjónsdóttir.

Hæst dæmdi stóðhestur sýningarinnar er Glundroði frá Garðshorni á Þelamörk sem er undan Konsert frá Hofi og Ágústu frá Garðshorni á Þelamörk. Ræktendur eru Birna Tryggvadóttir Thorlacius og Agnar Þór Magnússon en eigandi er Julia Kaufmann. Sýnandi var Ásmundur Ernir Snorrason

Fimm hryssur hlutu einkunnina 9,5 fyrir tölt þær Auðlind frá Þjórsárbakka, Rjúpa frá Þjórsárbakka, Toppa frá Gröf, Sandra Líf frá Álfhólum og Elva frá Auðsholtshjáleigu. Auðlind hlaut einnig 9,5 fyrir hægt tölt, Rjúpa hlaut 9,5 fyrir bæði samstarfsvilja og fegurð í reið og Sandra Líf hlaut 9,5 fyrir samstarfsvilja. Toppa hlaut einnig 9,5 fyrir greitt stökk og samstarfsvilja.

Tvær hryssur hlutu 9,5 fyrir skeið þær Sanvdík frá Bergi og Vigdís frá Eystri-Hól

Öll hross á sýningunni raðað eftir aðaleinkunn