„Mikil vinna en afar skemmtileg“

Á fagráðsstefnu hrossaræktarinnar sem fram fór í gær voru veitt hin ýmsu verðlaun fyrir afrek ársins á kynbótabrautinni sem nánar verður fjallað um hér á vef Eiðfaxa á næstu dögum.

Lokaverðlaun ráðstefnunnar voru að útnefna hvaða ræktendur hlytu hinn eftirsótta titil, Ræktendur ársins. Af þeim tólf búum sem tilnefnd voru í flokknum voru það þau Olil Amble og Bergur Jónsson sem útnefnd voru sem ræktendur ársins fyrir ræktun sína að Ketilsstöðum og Syðri-Gegnishólum og er það í sjöunda sinn sem þessu magnaða hestafólki hlotnast sá heiður.

Á árinu voru sýnd frá þeim 15 hross sem hlutu í aldursleiðrétta meðaleinkunn 8,41. Lista yfir alla þá gæðinga má skoða hér neðar í fréttinni en þar að auki hlaut Álfhildur frá Syðri-Gegnishólum Glettubikarinn, því hún stóð efst heiðursverðlauna hryssa á árinu með 128 stig í aðaleinkunn kynbótamatsins og fimm sýnd afkvæmi.

Að verðlaunaafhendingu lokinni tók Arnar Bjarki viðtal við þau Berg og Olil sem horfa má á hér í myndbandsspilaranum að neðan.

Hross sýnd frá Syðri-Gegnishólum/Ketilsstöðum árið 2025