Milljón í 9,5 tölt og samstarfsvilja

Önnur kynbótasýning ársins í Noregi fór fram í dag og í gær í Seljord. Dómarar á sýningunni voru þeir Guðbjörn Tryggvason og Þorvaldur Kristjánsson. Alls mættu 18 hross til dóms og þar af 16 til fullnaðardóms.

Hæst dæmda hross sýningarinnar var Milljón fra Bergkåsa, 8 vetra gömul hryssa undan Framherja frá Flagbjarnarholti og Skímu fra Bujord. Ræktandi, eigandi og þjálfar hennar er Liv Runa Sigtryggsdottir en Elvar Þormarsson sýndi hana í dómnum. Milljón hlaut 8,32 fyrir sköpulag, 8,54 fyrir hæfileika og í aðaleinkunn 8,46, magnaður dómur á klárhryssu en hún hlaut m.a. 9,5 fyrir tölt og samstarfsvilja.

Elvar og Milljón

Þá sýndi Elvar Þormarsson einnig Yrsu frá Tvennu sem hlaut 8,05 fyrir sköpulag, 8,55 fyrir hæfileika og 8,38 í aðaleinkunn. Þar af 9,0 fyrir tölt, samstarfsvilja, fegurð í reið og hægt tölt. Yrsa er undan Konsert frá Hofi og Þöll frá Selfossi ræktandi er samkvæmt Worldfeng Tvenna ehf / Thomas Kreutzfeldt en eigandi er Kristofer Bjørke

Hér fyrir neðan má sjá öll hross á sýningunni raðað eftir aðaleinkunn.