Natalie Fischer og Ímnir ósigrandi í skeiðgreinum

Keppni í 100 metra skeiði lauk nú rétt í þessu og aftur voru það Natalie og Ímnir fra Egeskov sem eru illviðráðanlega og sigruðu. Sigursteinn Sumarliðason og Krókus áttu góða spretti en verða að láta sér nægja annað sætið að nýju. Þeir fóru best á tímanum 7,39 í dag en Natalie fór hraðast á 7,10 sekúndum.

Þeir Daníel Gunnarsson og Hinrik Bragason stóðu sig líka vel í þessari grein. Hinrik og Trú fóru á tímanum 7,64 sekúndum í fraumraun sinni í greininni og Daníel og Kló hlupu hraðast á 7,61.

Það er því ljóst að Ísland hlýtur ekkert gull í skeiðgreinum fullorðinna en tók þau öll í flokki ungmenna.