Natalie heimsmeistari – Sigursteinn tók silfur í 250 metra skeiði

8. ágúst 2025
Sjónvarp Fréttir

Seinni tveir sprettirnir í 250 metra skeiði fóru fram nú í kvöld á heimsmeistaramótinu í Sviss í 28 stiga hita og logni. Að lokinni fyrri tveimur umferðum var það Nathalie Fischer frá Danmörku á Ímni fra Egeskov sem átti besta tímann, 21,91 sekúnda og annar var Sigursteinn Sumarliðason.

Það fór svo að engar sviptingar urðu í efstu sætunum í dag og því er það Natalie Fischer frá Danmörku sem tók gull í greininni og er heimsmeistari. Sigursteinn Sumarliðason náði í silfur á Krókusi á tímanum 21,97 sekúndum.

Daníel Gunnarsson og Kló frá Einhamri 2 enduðu í sjötta sæti á tímanum 22,54 sekúndum og Hinrik Bragason og Trú frá Árbakka urðu í áttunda sæti á tímanum 22,64 sekúndum.

Við megum búast við því að sjá alla þessa skeiðjaxla í 100 metra skeiði á morgun, þar sem þeir munu gefa allt sitt besta til að landa sigri í þeirri grein.

Niðurstaða í 250 metra skeiði

#	Knapi	Hestur	Tími
1	Natalie Fischer	Ímnir fra Egeskov	21.91″
2	Sigursteinn Sumarliðason	Krókus frá Dalbæ	21.97″
3	Helga Hochstöger	Nóri von Oed	22.00″
4	Sigurður Óli Kristinsson	Fjalladís frá Fornusöndum	22.21″
5	Lara Balz	Trú från Sundäng	22.35″
6	Daníel Gunnarsson	Kló frá Einhamri 2	22.54″
7	Guðmundur Einarsson	Draumur från Tängmark	22.57″
8	Hinrik Bragason	Trú frá Árbakka	22.64″
9	Idunn Marie Pedersen	Sólon fra Lysholm	22.78″
10	Alexander Fedorov	Hrólfur frá Hafnarfirði	22.88″
11	Daniel Ingi Smarason	Hrafn frá Hestasýn	23.23″
12	Iris Maria Haraldsson	Brimar frá Varmadal	23.49″
13	Gerda-Eerika Viinanen	Svala frá Minni-Borg	23.93″
14	Wictoria Gren	Kjarval fra Søtofte	24.05″
15	Markus Albrecht	Kóngur frá Lækjamóti	24.14″
16	Ladina Sigurbjörnsson-Foppa	Styrla fra Skarstad	24.19″
17	Cora Wijmans	Remba frá Skógi	25.93″