Okkar frábæru reiðkonur stóðu sig vel í slaktaumatölti

Forkeppni í slaktaumatölti fór fram í morgun á heimsmeistaramótinu í Sviss þar sem íslensku keppendurnir stóðu sig vel og uppskáru allir úrslita sæti.

Aðalheiður Anna Guðjónsdóttir og Hulinn frá Breiðstöðum voru fyrst í rásröð af Íslendingunum og áttu frábæra sýningu þar sem það skein af þeim öryggið og mýktin enda einkunnin eftir því 8,17 og eru þau í forystu, ásamt Helgu Unu, fyrir úrslitin. Ein af sigurstranglegri keppendum í þessari grein Jolly Schrenk hætti keppni eftir að hestur hennar, Glæsir, stökk upp þegar þau sýndu frjálsa ferð á tölti.

Aðalheiður Anna og Hulinn. Ljósmynd: Henk & Patty

Næst var komið að Söru Sigurbjörnsdóttir sem átti góða sýningu dómaranir voru þó misánægðir með hana og hlutu þær í meðaleinkunn 7,47  sem dugir henni til b-úrslita þar sem hún er til alls líkleg. Lilja Rún Sigurjónsdóttir var eini fulltrúi Íslands í ungmennaflokki á Arion frá Miklaholti, þau áttu frábæra sýningu og eru í forystu í þeim aldursflokki með 7,50 í einkunn.

Sara og Spuni Ljósmynd: Henk & Patty

Lilja Rún og Arion. Ljósmynd: Henk & Patty

Helga Una Björnsdóttir var síðust íslensku keppendanna á Ósk frá Stað, það skein af þeim öryggið og hlutu þær í meðaleinkunn 8,17 sem þýðir að hún og Aðalheiður Anna leiða keppnina og ríða báðar til A-úrslita á sunnudag.

Tíu efstu í fullorðinsflokki

Tíu efstu í ungmennaflokki