Parafimi og slaktaumatölt í Suðurlandsdeild Eques

23. febrúar 2026
Fréttir

Mótið hefst klukkan 18:30 en Rangárhöllin opnar fyrir gesti klukkan 17:30.

Þriðjudagskvöldið 24.febrúar fer fyrsta mótið í Suðurlandsdeild Eques fram í Rangárhöllinni á Hellu. Mótið hefst klukkan 18:30 en húsið opnar 17:30. Líkt og fram kom í viðtali hér á Eiðfaxa við Heklu Katharínu, formann stjórnar Suðurlandsdeildarinnar, að þá er fólk hvatt til þess að mæta í höllina og eiga skemmtilega kvöldstund. Fyrir þá sem ekki komast er mótið sýnt í beinni útsendingu á EiðfaxaTV. Aðalstyrktaraðili kvöldsins er Coca Cola og býður öllum frítt inn á keppnina.

Á þessu fyrsta keppniskvöldi er keppt í tveimur greinum annars vegar Parafimi og hins vegar Slaktaumatölti. Í þessar greinar senda liðin alls fjóra knapa til leiks, atvinnu- og áhugamaður mynda par sem keppa í parafiminni og sýna þar ýmsar listir. Í slaktaumatöltinu eru það svo einn atvinnumaður og einn áhugamaður sem keppa og er riðið til úrslita í hvorum flokki fyrir sig.

Á síðasta keppnistímabili voru það hjónin Ólafur Þórisson og Sarah Maadgaard Nielsen sem unnu parafimina, þau eru skráð til leiks í ár og ætla sér eflaust að endurtaka leikinn. Þá er þar einnig að finna parið sem náði þriðja sætinu í fyrra, Stellu Sólveigu Pálmarsdóttur og Aasu Ljungberg. Í þessari grein geta óvæntir hlutir alltaf gerst og mega pörin ekki við því að gera mikil mistök þannig að dýrmæt stig tapist. Með því að smella hér má kynna sér reglurnar í Parafimi nánar.

Þegar horft er til keppni í slaktaumatölti má búast við því að keppnin verði jöfn og spennandi. Í fyrra var það Ásmundur Ernir Snorrason sem stóð efstur atvinnumanna á Aðdáun frá Sólstað. Hann mætir nú á List frá Austurási. Þá má sjá á ráslitanum sterk pör líkt og Gústaf Ásgeir Hinriksson og Gými frá Skúfslæk sem hafa átt góðu gengi að fagna í slaktaumatölti. Þá er sigurvegarinn í Meistaradeild Líflands í slaktaumatölti, Jón Ársæll Bergmann, á meðal keppenda nú á hestinum Skjóna frá Skálakoti.

Í flokki áhugamanna í fyrra var það Soffía Sveinsdóttir sem efst stóð, hún er þó ekki á meðal knapa nú og því ljóst að nýr sigurvegari verður krýndur í þeim flokki. Hver það verður er erfitt að spá fyrir um. Aðeins eitt par sem var í úrslitum í fyrra er skráð til leiks en það eru þau Þórdís Sigurðardóttir og Gljái frá Austurkoti.

Ráslistar

Suðurlandsdeild Eques í hestaíþróttum 2026
Parafimi
Holl	At/Á	Knapi	Hestur	Lið
1	At	Dagbjört Skúladóttir	Spyrnir frá Bárubæ	Kastalabrekka
1	Á	Anne Röser	Lokkadís frá Þóreyjarnúpi	Kastalabrekka
2	At	Hlynur Guðmundsson	Neisti frá Ytri-Skógum	Hestefli
2	Á	Snæbjörg Guðmundsdóttir	Dís frá Bjarnanesi	Hestefli
3	At	Sigríkur Jónsson	Hrefna frá Efri-Úlfsstöðum	Syðri-Úlfsstaðir/Traðarás
3	Á	Heiðdís Arna Ingvarsdóttir	Foringi frá Laxárholti 2	Syðri-Úlfsstaðir/Traðarás
4	At	Stella Sólveig Pálmarsdóttir	Kúba frá Strandarhöfði	Vöðlar/Snilldarverk
4	Á	Aasa Elisabeth Emelie Ljungberg	Fengsæll frá Jórvík	Vöðlar/Snilldarverk
5	At	Ásdís Brynja Jónsdóttir	Rós frá Fákshólum	Wicked viking
5	Á	Jónas Már Hreggviðsson	Kolbeinn frá Hrafnsholti	Wicked viking
6	At	Lea Schell	Korkur frá Hárlaugsstöðum 2	Krappi
6	Á	Sara Pesenacker	Kjarval frá Skíðbakka III	Krappi
7	At	Hekla Katharína Kristinsdóttir	Rökkvi frá Heysholti	Árbakki/Árbæjarhjáleiga
7	Á	Arney Ólöf Arnardóttir	Safír frá Árbæjarhjáleigu II	Árbakki/Árbæjarhjáleiga
8	At	Hekla Rán Hannesdóttir	Tindur frá Árdal	Bakkakot
8	Á	Hinrik Ragnar Helgason	Freyr frá Bakkakoti	Bakkakot
9	At	Þorgils Kári Sigurðsson	Nasi frá Syðra-Velli	Raflagnaþjónusta Selfoss
9	Á	Emma Goltz	Elrir frá Grundarfirði	Raflagnaþjónusta Selfoss
10	At	Selina Bauer	Fía frá Strandarhöfði	Húsasmiðjan
10	Á	Lilja Hrund Pálsdóttir	Reykur frá Prestsbakka	Húsasmiðjan
11	At	Ólafur Þórisson	Sólbirta frá Miðkoti	Miðkot/Skeiðvellir
11	Á	Sarah Maagaard Nielsen	Djörfung frá Miðkoti	Miðkot/Skeiðvellir


Slaktaumatölt
Holl	At/Á	Knapi	Hestur	Lið
1	Á	Þórdís Sigurðardóttir	Gljái frá Austurkoti	Raflagnaþjónusta Selfoss
1	Á	Rúnar Freyr Rúnarsson	Styrkur frá Stokkhólma	Bakkakot
2	At	Halldór Snær Stefánsson	Tign frá Norður-Nýjabæ	Kastalabrekka
2	At	Guðmunda Ellen Sigurðardóttir	Hjaltalín frá Sumarliðabæ 2	Hestefli
3	Á	Elísabet Gísladóttir	Víkingur frá Hrafnsholti	Wicked viking
3	Á	Hannes Brynjar Sigurgeirson	Sigurpáll frá Varmalandi	Vöðlar/Snilldarverk
4	At	Katrín Sigurðardóttir	Bára frá Hrauni	Miðkot/Skeiðvellir
4	At	Sigríður Ingibjörg Einarsdóttir	Penni frá Eskiholti II	Húsasmiðjan
5	Á	Kristinn Karl Garðarsson	Veigar frá Grafarkoti	Krappi
5	Á	Svana Hlín Eiríksdóttir	Hagalín frá Efri-Rauðalæk	Árbakki/Árbæjarhjáleiga
6	At	Alma Gulla Matthíasdóttir	Ágúst frá Hrauni	Syðri-Úlfsstaðir/Traðarás
6	At	Malin Marianne Andersson	Tangó frá Skriðu	Wicked viking
7	Á	Malou Sika Jester Bertelsen	Kakali frá Glæsibæ	Kastalabrekka
7	Á	Arndís Ólafsdóttir	Sigur frá Sunnuhvoli	Húsasmiðjan
8	At	Eygló Arna Guðnadóttir	Sóli frá Þúfu í Landeyjum	Raflagnaþjónusta Selfoss
8	At	Ásmundur Ernir Snorrason	List frá Austurási	Vöðlar/Snilldarverk
9	Á	Theodóra Jóna Guðnadóttir	Óskadís frá Miðkoti	Miðkot/Skeiðvellir
9	Á	Þorbjörn Hreinn Matthíasson	Máni frá Syðra-Velli	Syðri-Úlfsstaðir/Traðarás
10	At	Sigurður Sigurðarson	Tromma frá Kjarnholtum I	Krappi
10	At	Jón Ársæll Bergmann	Skjóni frá Skálakoti	Bakkakot
11	Á	Hulda Jónsdóttir	Grátur frá Hraunbæ	Hestefli
12	At	Gústaf Ásgeir Hinriksson	Gýmir frá Skúfslæk	Árbakki/Árbæjarhjáleiga