Ráðstefnan Hrossaræktin 2024 um helgina

Hin árlega hrossaræktarráðstefna fagráðs fer fram í félagsheimili Fáks í Víðidal laugardaginn 12. október og byrjar klukkan 13:00. Aðgangur að ráðstefnunni er ókeypis og allt áhugafólk um hrossarækt er hvatt til að mæta. Á dagskrá eru: afar áhugaverður fyrirlestur um mögulegar nýjungar í kynbótamati í hrossarækt, yfirferð yfir hrossaræktarárið og verðlaunaveitingar.

Dagskrá hrossaræktarráðstefnunnar er eftirfarandi:

Laugardagur 12. október 2024

• 13:00 Setning – Nanna Jónsdóttir formaður fagráðs og deildar hrossabænda hjá Bændasamtökum Íslands
• 13:10 Hrossaræktarárið 2024 – Þorvaldur Kristjánsson
• 13:30 Heiðursverðlaunahryssur fyrir afkvæmi 2024
• 13:45 Verðlaunaveitingar:
  • Verðlaun, hæsta litförótta hryssa ársins í kynbótadómi
  • Verðlaun, knapi með hæstu hæfileikaeinkunn ársins (án áverka)
  • Verðlaun, hæsta aðaleinkunn ársins – Klárhross (aldursleiðrétt)
  • Verðlaun, hæsta aðaleinkunn ársins – Alhliða hross (aldursleiðrétt)
• 14:15 Þorvaldur Árnason – Hvernig er best að nýta keppnisdóma í kynbótamatinu? Spennandi möguleiki sem áhugavert er að kynna sér og ræða!
• 14:30 Umræður í framhaldi af erindum og fyrirspurnir úr sal
• 15:30 Viðurkenningar fyrir tilnefnd ræktunarbú ársins 2024
• Fundarslit um 16:15