Skeiðsumarið fer vel af stað – frábærir tímar á skeiðleikum

Fyrstu skeiðleikar Baldvins og Þorvaldar árið 2020 fóru fram í gærkvöldi í talsverðri rigningu á Selfossi.

Skráning var með besta móti og alls voru skráningarnar rúmlega 60 sem er með því meira sem verið hefur á skeiðleikum. Mikið var um áhorfendur á Brávöllum enda gekk mótið snarpt og snuðrulaust fyrir sig.

Konráð Valur Sveinsson settir frábæran tíma í 250 metra skeiði á Kjarki frá Árbæjarhjáleigu II þegar þeir fóru brautin á 21,57 sekúndum. Það má því segja að skeiðsumarið byrji vel hjá þeim félögum því besti tími ársins í fyrra á Íslandi var 21,42 og eru þeir ekki ýkja langt frá þeim tíma.

Það var Hans Þór Hilmarsson á Vorsól frá Stóra-Vatnsskarði sem sigraði keppni í 150 metra skeiði á tímanum 14,79 sekúndum en litlu munaði á þremur efstu hrossum í þeirri grein.

Keppni í 100 metra skeiði var spennandi og skyldu einungis 5 sekúndubrot þrjá efstu hesta að. Sæmundur Þ. Sæmundsson og Seyður frá Gýgjarhóli voru hlutskarpastir á tímanum 7,70 en ekki gat munað minna á honum og næsta knapa, Konráð Val á Kjarki, en tími þeirra var 7,71.

Næstu Skeiðleikar fara fram þann 4.júní á Brávöllum á Selfossi.