Skráning hafin á þriðju Skeiðleika sumarsins
Skráning hafin á þriðju Skeiðleika sumarsins 
Sigurbjörn Bárðarson á Flosa frá Keldudal og Daníel Ingi Smárason á Herði frá Reykjavík á flugaskeiði ,á félagssvæði Sleipnis og Skeiðfélagsins, að Brávöllum á Selfossi.
Þriðju skeiðleikar Skeiðfélagsins, fóðurblöndunar og Hrímnis fara fram á Brávöllum á Selfossi miðvikudagskvöldið 9.júlí og hefjast þeir klukkan 19:00.
Skráning er hafin og fer fram í gegnum Sportfeng. Velja þarf skeiðfélagið sem mótshaldara og lýkur skráningu mánudaginn 7. júlí.
Styrktaraðilar skeiðleikanna – Fóðurblandan og Hrímnir styrkja um verðlaunagripi sumarsins.
Skeiðleikarnir verða með hefbundnu sniði þar sem byrjað verður á 250 m skeiði, 150m skeiði og að lokum á 100 m skeiði.
Skeiðfélagið vill vekja athygli á að samkvæmt reglum er 14 ára aldurstakmark í skeiðkappreiðar og hafi knapi ekki náð 16 ára aldri skulu þeir framvísa skriflegu leyfi foreldris/forráðamanns. Því skulu knapar sem ætla að keppa á skeiðleikum vera fæddir 2011 eða fyrr.
Þá fær stigahæsti knapi ársins einnig til varðveislu í eitt ár farandgripinn Öderinn sem Gunnar Arnarson og Kristbjörg Eyvindsdóttir gáfu til minningar um Einar Öder Magnússon. Staðan í keppninni um Öderinn þegar helmingur móta eru búin er eftirfarandi:
- Konráð Valur Sveinsson 41
- Sigurður Sigurðarson 23.5
- Ingibergur Árnason 18
- Erlendur Ari Óskarsson 17.5
- Ásmundur Ernir Snorrason 16.5
Fenrir frá Finnastöðum hlaut yfir 9,00 fyrir hæfileika 
Gæðingamóti Geysis lauk í dag á glæsilegum úrslitum 
16 ára stúlka lést í slysi á hrossaræktarbúi 
Laura og Fannar yfir níu í gæðingaskeiði 