Skráning hafin í Stóðhestabókina 2020
Stóðhestabókin, sem síðustu ár hefur verið gefin út undir merkjum Hrossaræktar, nýtur ávallt mikilla vinsælda og er í raun staðalbúnaður á öllum kaffistofum hestamanna enda er þar að finna upplýsingar um vel á þriðja hundrað stóðhesta. Skráning er nú hafin í bókina og því tilvalið fyrir stóðhestaeigendur að hafa samband og taka frá pláss.
Stóðhestabókin kemur svo út með pompi og prakt á Stóðhestaveislu Eiðfaxa sem haldin verður 4. apríl nk. í Samskipahöllinni í Spretti. Að venju verður einnig haldið norður yfir heiðar með veisluna og verður hún haldin þann 18. apríl í Svaðastaðahöllinni á Sauðárkróki.
Stóðhestabókin er prentuð í rúmlega 3.000 eintökum og munu allir áskrifendur Eiðfaxa fá eintak af henni sér að kostnaðarlausu. Þá mun hún fylgja miðum á stóðhestaveislunum líkt og undanfarin ár
Verð fyrir heilsíðuauglýsingu í bókina er 40.000 kr. +vsk, en þeir sem panta fyrir 29. feb næstkomandi fá 20% afslátt.
Vertu á góðu tímakaupi og sendu okkur línu sem fyrst á eidfaxi@eidfaxi.is.