Suðurlandsdeild Cintamani 2023 – Liðakynning

25. mars 2023
Fréttir

Veðurspáin lítur vel út fyrir komandi keppni en þriðjudaginn 28. mars fer fram fjórgangur í Rangárhöllinni og hefst hann kl. 19:00!

Keppnin átti að fara fram þann 22. mars en var frestað vegna veðurs sem rættist svo um munaði en þetta lítur allt mun betur út núna.

Staðan í liðakeppni að lokinni fyrstu grein er eftirfarandi:

Sæti	Lið	Parafimi
1	Nonnenmacher	96
2	Húsasmiðjan	86
3	Árbæjarhjáleiga / Hjarðartún	84
4	Vöðlar / Snilldarverk / Sumarliðabær	76
5	Black Crust Pizzeria	72
6	Krappi	62
7	Töltrider	54
8	Hemla / Hrímnir / Strandarhöfuð	44
9	Múli hrossarækt / Hestasál ehf.	32
10	Nagli	32
11	Syðri-Úlfsstaðir / Traðarás	32
12	Dýralæknir Sandhólaferju	26
13	Fiskars	4

Nú er komið að því að kynna næstu lið deildarinnar en deildin samanstendur af 13 liðum sem eru skipuð af 78 knöpum, deildin er því sú fjölmennasta á landinu!

Kynnt hafa verið átta lið og kynnum við hér þau fimm lið sem ekki hafa verið kynnt, það eru lið Vöðla/Snilldarverks/Sumarliðabæjar, lið Dýralækna Sandhólaferju, lið Töltrider, lið Nagla og lið Black Crust Pizzeria!

Við minnum á veitingasöluna í anddyri Rangárhallarinnar og er sko öllum óhætt að mæta svangir því nóg er til!

Fyrir þá sem ekki hafa tök á að koma til okkar í Rangárhöllina þá mun Alendis TV tryggja það að færa heiminum fjórganginn heim í stofu.

Fylgist með á Facebook og Instagram: Suðurlandsdeildin