Opið fyrir umsóknir í Suðurlandsdeildina

Umsóknarfrestur fyrir ný lið er til 21. desember n.k.og biðjum við þau lið sem eiga keppnisrétt að staðfesta þátttöku fyrir þann tíma einnig!

Umsókninni þurfa að fylgja staðfest nöfn 2-3 atvinnumanna og 3 áhugamanna. Þau lið sem féllu úr deildinni 2025 geta sótt um aftur og fara í pottinn ásamt nýjum liðum sem sækja um.

Liðin verða áfram skipuð 2-3 atvinnumönnum og 3 áhugamönnum. Í parafimi keppir eitt par skipað 1 atvinnumanni og 1 áhugamanni.

Í skeiði, slaktaumatölti og parafimi keppir 1 atvinnumaður og 1 áhugamaður en í öðrum greinum keppa 2 atvinnumenn og 2 áhugamenn. Áhugamaður má keppa sem atvinnumaður en atvinnumaður má ekki keppa sem áhugamaður.

Áfram verður Suðurlandsdeildin einungis liðakeppni en þrjú stigahæstu liðin verða verðlaunuð.

Atvinnumaður: Allir ásamt ungmennum.

Áhugamaður: Er að lágmarki 18 ára á árinu og má ekki hafa keppt í meistaraflokki síðustu 2 ár.

Stjórn Suðurlandsdeildarinnar hefur loka ákvörðunarvald um hvort knapar uppfylli inngangsskilyrði.

Keppniskvöldin verða fjögur og fara öll fram í Rangárhöllinni á Hellu.

• 24.febrúar
• 10. mars
• 24. mars
• 7. apríl.

Þátttökugjald 2026 er 225.000 kr. Innifalið í gjaldinu er skráningargjald fyrir knapa á öll mótin og ein auglýsing í streymi.

Suðurlandsdeildin er samstarfsverkefni Hestamannafélagsins Geysis og Rangárhallarinnar.

Allar spurningar sem og umsóknir vegna Suðurlandsdeildar skulu sendar á rangarhollin@gmail.com.

Hvetjum hestamenn að safna saman í lið og sækja um í Suðurlandsdeildina sem er að hefja sittt tíunda tímabil.

Sjáumst í Rangárhöllinni í vetur!