Svipmyndir úr fimmgangi í meistaraflokki
Forkeppni í fimmgangi meistara fór fram í kvöld á íþróttamóti Sleipnis á Brávöllum á Selfossi.
Það er Teitur Árnason sem er í efsta sæti að henni lokinni á Atlas frá Hjallanesi með 6,90 í einkunn. Jöfn í öðru til þriðja sæti eru Viðar Ingólfsson á Sægrími frá Bergi og Hekla Katharina og Jarl frá Árbæjarhjáleigu með 6 53 í einkunn.
Efstu sex knapar mæta í A-úrslit á sunnudaginn.
Allar niðurstöður og ráslista er að finna í LH Kappa.