Sýningaáætlun kynbótasýninga 2026

Nú er búið að birta áætlun fyrir kynbótasýningar árið 2026 og er hún komin inn á vef Ráðgjafarmiðstöðvar landbúnaðarins (rml.is) undir Kynbótastarf/Hrossarækt/Kynbótasýningar.

Sýningaáætlun 2026:

Vorsýningar:
18. – 21. maí         Rangárbakkar
26. – 29. maí         Rangárbakkar
1. – 5. júní              Rangárbakkar
1. – 5. júní              Sörlastaðir
1. – 5. júní              Hólar
8. – 11. júní            Rangárbakkar
8. – 12. júní            Sörlastaðir
8. – 12. júní            Mið-Fossar
8. – 12. júní            Akureyri
15. – 19. júní          Rangárbakkar
15. – 19. júní          Víðidalur
15. – 19. júní          Hólar
22. – 24. júní          Rangárbakkar
22. – 24. júní          Hólar
5. – 11. júlí              Landsmót að Hólum

Miðsumarssýningar:
20. – 24. júlí            Rangárbakkar
20. – 24. júlí            Akureyri

Síðsumarssýningar:
10. – 13. ágúst       Rangárbakkar
17. – 21. ágúst       Rangárbakkar
17. – 21. ágúst       Hólar

Landsmót verður haldið í þriðja sinn að Hólum í Hjaltadal á næsta ári og byrjar það 5. júlí og endar á laugardagskvöldi 11. júlí.

Vorsýningar enda miðvikudaginn 24. júní og er reynt að teygja þær eins nálægt mótinu og hægt er. Að þeim loknum tekur við útreikningur á kynbótamati sem röðun afkvæmahesta á Landsmóti grundvallast á og annar undirbúningur vegna sýninga kynbótahrossa á mótinu. Tilkynnt verður um fjölda kynbótahrossa á Landsmóti og tilhögun valsins um leið og það liggur fyrir frá fagráði. Ákveðið var að byrja viku fyrr sunnanlands en verið hefur og einnig að bjóða upp á heldur fleiri sýningar norðan heiða. Þá verður kynbótasýning á Mið-Fossum á Vesturlandi en sýning var haldin þar í fyrra í fyrsta skipti síðan 2016 og tókst vel.

Afar spennandi sýningarár er í vændum og miðað við framfarir síðustu ára er mikils að vænta af kynbótahrossum þessa lands.