Þriðji ættliðurinn sem hlýtur Glettubikarinn

28. nóvember 2020
Fréttir

Þær hryssur sem hljóta heiðursverðlaun í ár fyrir afkvæmi eru 31 talsins en óhætt er að segja að svo margar hafa hryssunar aldrei verið. Til þess að hryssa hljóti heiðursverðlaun þarf hún að uppfylla eftirfarandi skilyrði.

116 stig í kynbótamati fyrir aðaleinkunn eða aðaleinkunn án skeiðs og a.m.k. 5 dæmd afkvæmi

Nokkrar hryssur hljóta því heiðursverðlaun í ár á grundvelli þess að þær hafa 116 stig eða hærra í aðaleinkunn án skeiðs.

Efst heiðursverðlaunahryssna í ár og því Glettubikarhafi er Þóra frá Prestsbæ sem er með 136 stig í aðaleinkunn kynbótamatsins og á fimm dæmd afkvæmi. Raunar hafa öll þau afkvæmi hennar sem eru á tamningaraldri skilað sér til dóms og er meðaleinkunn afkvæma hennar 8,35 í aðaleinkunn.

Þóra er jafnframt þriðji ættliður hryssna sem stendur efst heiðursverðlaunahryssna og er viðtakandi Glettubikarsins. Móðir hennar, Þoka frá Hólum, hlaut verðlaunin árið 2012 og amma hennar Þrá frá Hólum árið 2000.

Karítas frá Kommu er efst heiðursverðlaunahryssna fyrir kynbótamat án skeiðs en þar er hún með 132 stig.

Elsta hryssan á listanum er Sending frá Enni sem er fædd árið 1992 og er því 28.vetra gömul í ár. Yngsta hryssan er hins vegar Storð frá Stuðlum sem fædd er árið 2006 og er því 14 vetra gömul.

Hér fyrir neðan er listi yfir allar þær hryssur sem hljóta heiðursverðlaun í ár raðað eftir aðaleinkunn kynbótamatsins.

Nafn	Uppruni	BLUP Aðaleinkunn	BLUP Aðaleinkunn án skeiðs
Þóra	Prestsbæ	136	129
Happadís	Stangarholti	127	127
Þjóð	Skagaströnd	127	121
Vordís	Hvolsvelli	126	126
Myrkva	Torfunesi	122	122
Karitas	Kommu	122	132
Storð	Stuðlum	122	117
Örk	Stóra-Hofi	122	128
Þruma	Hólshúsum	121	126
Hending	Úlfsstöðum	120	130
Vaka	Hellubæ	120	122
Gerða	Gerðum	120	115
Gná	Ytri-Skógum	119	123
Dúsa	Húsavík	119	114
Lady	Neðra-Seli	119	111
Hilda	Bjarnarhöfn	119	114
Alda	Brautarholti	118	124
Nótt	Ármóti	118	114
Kyrrð	Stangarholti	118	127
Urður	Sunnuhvoli	117	123
Gráhildur	Selfossi	116	117
Surtsey	Feti	116	117
Hrauna	Húsavík	116	115
Spóla	Syðri-Gegnishólum	116	109
Esja Sól	Litlu-Brekku	116	106
Tara	Lækjarbotum	114	117
Sveina	Þúfu í Landeyjum	112	116
Elding	Hóli	112	120
Jórún	Blesastöðum	112	117
Gáska	Álfhólum	110	118
Sending	Enni	108	116