Eiðfaxi TV „Dagur í hestaferð“

  • 29. nóvember 2025
  • Sjónvarp Fréttir
Næsti þáttur af „Degi í hestamennsku“ kemur út á sunnudag kl 20:00 og fjallar í þetta skiptið um hestaferðir.

Þriðji þáttur af „Dagur í hestamennsku“ þar sem Ásta Björk Friðjónsdóttir skyggnist inn í mismunandi hliðar hestamennskunnar verður sýndur á sunnudaginn á EiðfaxaTV kl. 20:00

„Ég fékk að hoppa inn á degi fjögur af fimm daga ferð hjá Íshestum. Við riðum frá Landmannahelli að Áfangagili. Það var ekkert smá skemmtilegt og ég var eiginlega bara orðlaus yfir þessari náttúru sem við höfum aðgang að. Leiðin að Landmannahelli var aftur í móti ansi brösuleg hjá mér þar sem ég var… óvart… ekki búin að kynna mér hvar Landmannahellir væri og hvernig aðstæðurnar væru þangað en einhvern vegin í veröldinni þá reddaðist þetta og ég mætti á hárréttum tíma og náði að fara með þeim,“ segir Ásta Björk sem hafði gaman af því að spjalla við ferðamennina og heyra þeirra upplifun af ferðinni, Íslandi og hestinum okkar. „Næst fer ég alla fimm.“

Þátturinn kemur út á Eiðfaxa TV kl. 20:00 á morgun sunnudag en íslenskur, enskur og þýskur texti er í boði.

 

Nýjasta tölublað

Tengdar greinar