Útfluttum hrossum fækkar á milli ára

Útfluttum hrossum frá Íslandi fækkar á milli ára en í ár voru þau alls 1.256 talsins, er þetta minnsti útflutningur hrossa frá árinu 2013.

Samkvæmt Worldfeng voru 1.318 hross flutt út árið 2024, árið 2023 voru þau alls 1.592 og árið 2022 voru þau 2.085 talsins. Metár í útflutningi var svo árið 2021 þegar hrossin voru 3.381 talsins.

Alls voru 590 hryssur fluttar út, 449 geldingar og 217 stóðhestar og þar af voru 131 þeirra með einkunnina 8,00 eða hærra í kynbótadómi. Flest hrossanna voru flutt til Þýskalands eða 555 talsins.

Hæst dæmda hrossið sem flutt var út í ár er stóðhesturinn Jökull frá Breiðholti í Flóa (Aðaleinkunn 8.81) sem fluttur var til Bandaríkjanna en hæst dæmda hryssan var Ísbjörg frá Blesastöðum II (Aðaleinkunn: 8.69) sem flutt var til Þýskalands.

Útflutt hross eftir löndum