Védís Huld og Ísak heimsmeistarar í tölti ungmenna

Spennan var mikil fyrir úrslitum í tölti ungmenna. Þar áttu Íslendingar þrjá fulltrúa þær Lilju Rún Sigurjónsdóttur, Védísi Huld Sigurðardóttur og Þórgunni Þórarinsdóttur. Védís Huld kom efst inn í úrslitin ásamt hinum þýska Daniel Rechten og fyrirfram var búist við því að þau myndu berjast um sigurinn.

Að loknu sýningum á hægu tölti og hraðabreytingum var Védís örlítið hærri en Daniel. Á greiða töltinu skyldi þó á milli og Védís Huld og Ísak frá Þjórsárbakka náðu í sinn annan heimsmeistaratitil á mótinu. Daniel Rechten og Óskar frá Lindeberg hlutu þó ekki verðlaun í greininni þar sem þeir stóðust ekki dýralæknaskoðun að loknum úrslitum, þeir fara þó ekki tómhentir heim frá mótinu þar sem þeir urðu samanlagði heimsmeistarar í fjórgangsgreinum.

Þær Þórgunnur  á Djarfi og Lilja Rún á Arion stóðu sig einnig mjög vel þar sem Lilja hlaut silfur og Þórgunnur varð í fimmta  sætinu. Þórgunnur og Djarfur mæta svo til A-úrslita í fimmgangi síðar í dag.