Vera og Hrímnir/Hestklettur efst að stigum

Tveimur greinum af átta er lokið í Meistaradeild KS í hestaíþróttum. Fyrsta kvöldið var það lið Hrímnis/Hestkletts sem var stigahæst og í gærkvöldi var það lið Þúfna sem varð stigahæst. Dýrmætt kvöld fyrir Þúfur sem náði að hysja sig upp úr áttunda sætinu í það þriðja.

Hrímnir/Hestklettur er efst að stigum með 128 stig og Hofstorfan/550 eru í öðru slti með 110,5 stig en hér fyrir neðan er staðan í liðakeppninni eftir tvær greinar.

Lið Þúfna var stigahæst í gærkvöldi í slaktaumatöltskeppni Meistaradeildar KS. Knapar f.v. Mette Mannseth, Barbara Wenzl og Lea Busch.

Trónir á toppnum

Það er óhætt að segja að Vera Evi Schneiderchen tróni á toppnum í einstaklingskeppninni með 22 stig en næstu á eftir eru með 9,0 stig hvor, það eru þau Þórarinn Eymundsson og Herdís Björg Jóhannsdóttir. Vera er eini knapinn sem hefur náð að telja stig í báðum greinum, hún sigraði fjórganginn og varð í öðru sæti í slaktaumatöltinu.

Vera leiðir í einstaklingskeppninni með 22 stig. Hún vann fjórganginn og lenti í öðru sæti í slaktaumatöltinu.

Það er þó nóg af stigum enn í pottinum enda deildin rétt að byrja. Næsta mót er fimmgangur þann 13. mars.

Staðan í liðakeppninni

1. Hrímnir / Hestklettur 128 stig
2. Hofstorfan / 550 – 110.5 stig
3. Þúfur – 103 stig
4. Lífland – 96.5 stig
5. Íbishóll – 73.5 stig
6. Uppsteypa – 65 stig
7. Storm Rider – 53.5 stig
8. Bústólpi 51.5 stig
9. Exar 40 stig

Staðan í einstaklingskeppninni

1. Vera Evi Schneiderchen 22 stig
2. Þórarinn Eymundsson 9 stig
2. Herdís Björg Jóhannsdóttir 9 stig
4. Mette Mannseth 8 stig
5. Freyja Amble Gísladóttir 7 stig
5. Lilja Dögg Ágústsdóttir 7 stig
7. Kristófer Darri Sigurðsson 6 stig
7. Barbara Wenzl 6 stig
9. Erlingur Ingvarsson 5 stig
9. Finnbogi Bjarnason 5 stig
11. Kristján Árni Birgisson 4 stig
11: Þorsteinn Björn Einarsson 4 stig
13. Þórey Þula Helgadóttir 3 stig
13. Agnar Þór Magnússon 3 stig
15. Guðmar Freyr Magnússon 2 stig
16. Auður Karen Auðbjörnsdóttir 1,5 stig
16. Lea Busch 1,5 stig
18. Björgvin Helgason 1 stig